*Сэрэхтээх буолуҥ: Сунтаарга тыатааҕы элбэҕэ биллэр* — 29 июля 2026 г. в 02:45:37.719
*Сэрэхтээх буолуҥ: Сунтаарга тыатааҕы элбэҕэ биллэр* 🐻🐾Сунтаар улууһугар быйыл даҕаны тыатааҕы дьон олохсуйбут сирдэригэр чугаһыыр сонуннара уостубат. Айылҕа харыстабылын инспекцията олохтоохтору сир аһын үгэнигэр сэрэхтээх буоларга уонна сэрэтиини умнубаттарыгар ыҥырар. Бу күннэргэ Кэмпэндээйи туһаайыытынан оҕолоох тыатааҕы айан суолунан ааспытын туһунан сибики билиннэ. Ийэ тыатааҕы оҕолорун кытта сылдьара ордук кутталлаах буолуон сөп, ону сиргэ-уокка сылдьар дьон хайаан да учуоттуохтаах. Айылҕа харыстабылын инспекциятын иһитиннэриитинэн, бу сезоҥҥа Сунтаар Ойбон күөлүгэр, Тойбохойго уонна Күндэйэҕэ туох баар ирдэбили, сокуону тутуһан, барыта 4 тыатааҕы бултанна. Бу дьаһаллар нэһилиэнньэҕэ куттал суох буолуутун хааччыйар сыалтан уонна анал көҥүлүнэн ыытылыннылар. Инспекция тыаҕа тахсар дьону маннык сэрэтии быраабылаларын тутуһалларыгар ыҥырар: Тыаҕа соҕотоҕун сылдьымаҥ, бэйэ-бэйэҕитин кытта кэпсэтиҥ, ыллааҥ, тыаһы-ууһу таһаарыҥ уонна өҥнөөх таҥаһы кэтэр ордук. Тыатааҕы киһи чугаһыырын иһиттэҕинэ, үксүгэр бэйэтэ туораан биэрэр. 📽📽📽Кэмпэндээйи ураты харыстанар сирдэрин инспектора Николай Герасимов _Сунтаар улууһун дьаһалтатын пресс-сулууспата_