Веревкин ханаалын ыраастаатылар — 28 июля 2026 г. в 10:15:25.348
Веревкин ханаалын ыраастаатылар ✅Бүгүн от ыйын 28 күнүгэр Сунтаар нэһилиэгин баһылыга Эдуард Филиппов көҕүлээһининэн былааннаммыт субуотунньүк тэрилиннэ. 🔹🔹Субуотунньукка нэһилиэк, улуус дьаһалтатын үлэһиттэрэ, баһаарынай чаас, Авиалесохрана, быыһыыр сулууспа уонна нэһилиэк дьокутааттара Веревкин ханаалын ыраастаатылар. Ханаал дэлби мас, талах үүнэн уу ааһарыгар улахан мэһэйдэри үөскэтэр, аттыгар баар ходуһалары ууга ыытар. 🔹🔹 Бүгүн төһө кыах баарынан ыраастааһын үлэтэ күүскэ барда. Кэлин уу түстэҕинэ ханаалы батыһа экскаватор үлэлиэҕэ. 🔹🔹Бүгүҥҥү субуотунньукка ЖКС тэрилтэ салайааччыта Игнат Яковлев икки "Боотур" тиэхиньикэ биэрэн көмөлөстө. 🔹🔹Эдуард Филиппов бүгүн тахсан үлэлээбит уолаттарга улахан махтал тылларын тириэрдэр. Бу туһунан Сунтаар нэһилиэгин дьаһалтата иһитиннэрдэ. "Сунтаар сонуннара"