*Сунтаар улууһун баһылыга Анатолий Григорьев Саха Өрөспүүбүлүкэтин тутуутун миниистирэ ... — 4 сентября 2026 г. в 08:46:41.141
*Сунтаар улууһун баһылыга Анатолий Григорьев Саха Өрөспүүбүлүкэтин тутуутун миниистирэ Виктор Романовтыын таһымнаах көрсүһүүнү ыытта.* Бу сайын уокка былдьаммыт Хоро нэһилиэгин оскуолатын саҥаттан тутуу боппуруоһа уонна улуустааҕы балыыһа комплексатын иккис уочараттаах тутуутун туһунан кэпсэттилэр. Тахсыбыт хомолтолоох быһылаан кэнниттэн Хоро олохтоохторо уонна оҕолоро саҥа, тупсаҕай усулуобуйалаах үөрэх кыһатыгар наадыйаллара чахчы. Баһылык уонна миниистир оскуола тутуутун ханнык ньыманан уонна туох үп-харчы көмөтүнэн олоххо киллэрэр туһунан сиһилии кэпсэттилэр. Салайааччылар бу суолталаах эбийиэги кылгас кэм иһигэр өрөспүүбүлүкэ таһымнаах бырагыраамаҕа киллэрэргэ бэлэмнэрин биллэрдилэр. Итини таһынан, көрсүһүүгэ Сунтаардааҕы киин балыыһа иккис уочаратын тутуутун хаамыыта ырытылынна. Бу эбийиэк үлэҕэ киириитэ улуус олохтоохторугар эмтээһин уонна доруобуйаны көрүнүү хаачыстыбатын өссө үрдүк таһымҥа таһаарыахтаах. Көрсүһүү түмүгүнэн икки өттүттэн тустаах үлэлэри хонтуруолга ылан, тэтимнээхтик ыытарга быһаарыныыны ылыннылар. _Сунтаар улууһун дьаһалтатын пресс-сулууспата_