*Анатолий Григорьев уонна Анна Стручкова тыа хаһаайыстыбатын боппуруостарыгар суолталаа... — 4 сентября 2026 г. в 08:38:23.523
*Анатолий Григорьев уонна Анна Стручкова тыа хаһаайыстыбатын боппуруостарыгар суолталаах көрсүһүүнү ыыттылар* 🔹️🔹️🔹️Сунтаар улууһун баһылыга Анатолий Григорьев тыа хаһаайыстыбатын министирин эбээһэнэһин толорооччу Анна Стручковалыын көрсөн, улуус тыатын хаһаайыстыбатын сайыннарыыга, ол иһигэр үүт былаанын үрдэтиигэ уонна уустук сылга от кэбиһиитигэр улахан үбүлээһин көрүллэрэ быһаарылынна. ҮҮТ БЫЛААНА 1600 ТУОННАНАН ҮРДҮӨҔЭ Сунтаар улууһугар үүт туттарыытын былаанын эбии 1 600 туоннанан үрдэтэр туһунан быһаарыныы ылылынна. Бу улуус үрүҥ аһын оҥорон таһаарааччыларыгар уонна тустаах хаһаайыстыбаларыгар улахан тирэх буолуоҕа, ону тэҥэ дохуоттарын улаатыннарарга саҥа кыаҕы биэриэҕэ. ОТТУУР МОБИЛЬНАЙ БИРИГЭЭДЭРГЭ УОННА ОТ АТЫЫЛАҺЫЫТЫГАР КӨМӨ КӨРҮЛЛҮӨҔЭ Ыраах сирдэргэ оттуур мобильнай биригээдэлэр үлэлэрин өйүүр сыалтан 4 мөлүйүөн 471 тыһыынча солкуобай көрүлүннэ. Оттон от тиийбэт хаһаайыстыбаларыгар анаан оту атыылаһар сыалга 2 мөлүйүөн 600 тыһыынча солкуобай бэриллэр буолла. СҮӨҺҮ АҺЫН ТИЭЙИИТИГЭР КОМПЕНСАЦИЯ КӨРҮЛЛҮӨҔЭ Маны тэҥэ, атыылаһыллыбыт оту улуус иһигэр эбэтэр таһыттан тиэйэн аҕалыы ороскуотун сабарга сөбүлэстилэр. Быһаарыныы быһыытынан, оту тиэйии ороскуотугар анал компенсация төлөнөр буолла. Бу миэрэ уустук сылга сүөһү ахсаанын чөл хаалларарга уонна кыстыгы этэҥҥэ туоруурга улахан суолталаах хардыынан буолар. _Сунтаар улууһун дьаһалтатын пресс-сулууспата_