Ытыктабыллаах иитээччилэр уонна оҕо уһуйааннарын үлэһиттэрэ, бэтэрээннэрэ!
Ытыктабыллаах иитээччилэр уонна оҕо уһуйааннарын үлэһиттэрэ, бэтэрээннэрэ! «Сунтаар улууhа (оройуона)» муниципальнай оройуон дьаhaлтатын, оройуон дьокутааттарын Сэбиэтин уонна тус бэйэбит ааппытыттан эһигини Иитээччи күнүнэн итиитик-истиҥник эҕэрдэлиибин! Бу күн эһиги сыралаах, эппиэтинэстээх уонна ытыктабыллаах үлэҕитигэр ананар. Оҕо уһуйаана – оҕо олоҕор бастакы хардыытын оҥорор сирэ. Эһиги кэскиллээх үлэҕит оҕо сайдыытыгар, киһи быһыытынан иитиллиитигэр, билиигэ-көрүүгэ тардыһыытыгар сүдү оруолу оонньуур. Эһиги тапталгыт, тулуургут, муудараскыт кырачаан дьоммут киһи буола улааталларыгар олук уурар. Биһиги кырачаан оҕолорбут эһиги илиигитигэр иитиллэн, үөрэнэн, айылҕаттан айдарыылаах дьоҕурдарын сайыннаран, олоххо дьоһуннаах бэйэлэрин миэстэлэрин булаллар. Эһиги үлэҕит дьиэ кэргэттэргэ көмө, оҕоҕо өйөбүл, уопсастыбаҕа туһалаах. Бу бэлиэ күҥҥэ эһиэхэ чэгиэн доруобуйаны, дьолу-соргуну, үлэҕитигэр саҥа ситиһиилэри, эһигини үөрдэр талааннаах оҕолору уонна дьиэ кэргэҥҥитигэр эйэни, дьолу-соргуну баҕарабыт! Махтал эһиэхэ, күндү иитээччилэр! Сунтаар улууһун баһылыга А.В. Григорьев Улуус дьокутааттарын Сэбиэтин бэрэссэдээтэлэ У.Д. Попова