*"Успех на Алтае": Сунтаардааҕы норуот тыйаатыра бастыҥнар кэккэлэригэр!*
*"Успех на Алтае": Сунтаардааҕы норуот тыйаатыра бастыҥнар кэккэлэригэр!* 🎭🎭🎭Сунтаардааҕы норуот тыйаатыра федеральнай таһымнаах "Успех на Алтае" бэстибээлгэ кыттан улахан ситиһиилэннэ. Уопсайа 59 тыйаатырдартан талыллан, бастыҥ 9 кэлэктиип ортотугар киирэн, Барнаул куорат улахан сыанатыгар Алампа "Олох дьэбэрэтэ" драматын чаҕылхайдык көрдөрдүлэр. Төһө да бэйэ тылынан буоллар, артыыстар олус итэҕэтиилээхтик оонньоон, араас омук көрөөччүлэрин уонна театр, киинэ биллэр экспертэрин сөхтөрдүлэр. Дьүүллүүр сүбэ сыанабылынан Сунтаар тыйаатыра 3-с истиэпэннээх дипломунан наҕараадаланна. Маны тэҥэ, сүрүн оруоллары толорбут үс артыыспыт анал номинациялар хаһаайыттарынан буоллулар. Көрөөччүлэр режиссерскай уонна актерскай үлэни олус сэргээн, сүһүөхтэригэр туран, дохсун ытыс тыаһынан доҕуһуоллаатылар. Бу ураты, чаҕылхай уонна дириҥ ис хоһоонноох туруорууну режиссер Динислам Тууйас олоххо киллэрбитэ. Сунтаар тыйаатырын айар кэлэктиибигэр өссө да үрдүк ситиһиилэри уонна көрөөччү үрдүк биһирэбилин, тапталын баҕарабыт!!! Театр салайааччытыгар Екатерина Григорьеваҕа уонна режиссер Динислам Тууйаска махтанабыт!!! _Сунтаар улууһун дьаһалтатын пресс-сулууспата_