Убаастабыллаах Петр Виталиевич!
Убаастабыллаах Петр Виталиевич! РФ Государственнай Дума быыбарыгар дьон итэҕэлин ылан эрэллээхтик кыайбыккынан ис сүрэхпиттэн эҕэрдэлиибин! Депутат үлэтэ –норуот интэриэһин көмүскүүр эппиэтинэстээх үлэ. Госдуума депутатын эбээһинэһэ хас да бүк эппиэтинэһи эрэйэр. Сунтаар улууһун дьоно-сэргэтэ эйигин бу үлэни чиэстээхтик сүгүө, элбэҕи ситиһиэ диэн күүскэ эрэнэрин бу быыбарга бигэргэттэ. Тыа сирин сайыннарыыга олохтоох толкуйдаргын, былааннаргын норуот биһириирин биллэрдэ. Эйиэхэ талыллыбыт дуоһунаскар дьоһун соруктары ситиһэргэр, үлэҥ таһаарыылаах буоларыгар, үлэһит быһыытынан салгыы өссө үүнэ-сайда тураргар баҕарабын. Өйүүр дьонуҥ өрүү аттыгар буоллуннар, туруоруммут соруктарыҥ туола турдуннар! Тус бэйэҕэр уонна дьиэ кэргэҥҥэр нус-хас олоҕу, этэҥҥэ чэгиэн-чэбдик туругу баҕарабын! Сунтаар улууһун баһылыга Анатолий Григорьев.