*Үтүө дьыала олохтоохтор күүстэринэн*
*Үтүө дьыала олохтоохтор күүстэринэн* 🎗🎗🎗Сунтаарга ытык сир тупсарын туһугар өссө биир суолталаах, үөрүүлээх түгэн буолла. "Абаҕа" түөлбэ ытык олохтооҕо Зоя Кузьмина көҕүлээһининэн Юрий Казаков уонна Игнат Яковлев үтүө дьыаланы оҥордулар. Бэйэ күүһүнэн Турукталыыр суол тоҕойугар турар Обоччолоох тулаһатыгар сырдатыы уотун тартылар. Бу обелиск Сунтаар дьоно-сэргэтэ бэйэтин хорсун буойуттарын, Аҕа дойду сэриитигэр хомуллан барбыт ытык суолларын умнубаттарын, кэриэстииллэрин бэлиэтиир. Кинилэр хорсун ааттарыгар туруоруллубут ураты историческай пааматынньыгынан буолар. Урукку өттүгэр хараҥа кэмҥэ сквер иһэ көстүбэт, барар-кэлэр дьоҥҥо уустуктардаах буоллаҕына, билигин сырдык уотунан сыдьаайда. Тула өттө тупсаҕай көстүүлэнэн, сүгүрүйэр кэрэ сирбит дьон-сэргэ хараҕын үөрдүөҕэ. Инньэ диэн туран, үлэлээбит дьоҥҥо махтанабыт! Дойдубут тупсарын туһугар биир сомоҕо буолуоҕуҥ! ✍️ Сунтаар улууһун дьаһалтатын пресс-сулууспата