ТУЙМААДА ЫҺЫАҔЫН ДАРХАН ЭТЭЭЧЧИТЭ ҮРДҮК ААТ — 29 июня 2026 г. в 08:35:21.362
ТУЙМААДА ЫҺЫАҔЫН ДАРХАН ЭТЭЭЧЧИТЭ ҮРДҮК ААТ 🌿Биһиги улууспут талааннарынан кэнчээри үүнэрин өссө төгүл туоһулаан, Булун нэһилиэгиттэн төрүттээх, оҕо ускуустубатын оскуолатын уһуйааччыта, чулуу ырыаһыппыт уонна алгысчыппыт Айта Васильева Туймаада ыһыаҕын сүрүн түһүлгэтигэр ыытыллыбыт оһуохай күрэҕэр дьоһуннаах кыайыыны ситистэ! 🌿Айта Васильева тыһыынчанан дьон кутун-сүрүн үөрдэн, дьириҥэтэн, өбүгэбит ытык оһуохайын эҥсиилээх ырыатынан дьиэрэтэн, дьүүллүүр сүбэтин биһирэбилин ылан, Дархан этээччи үрдүк аатын ылар чиэскэ тигистэ! Бу — кини сыралаах үлэтин, уус-уран дьоҕурун уонна саха төрүт култууратыгар бэриниилээх буолуутун чаҕылхай ситиһиитэ. Төрөөбүт Тааттабыт аатын үрдүктүк ааттатпыт, уран куоластаах ырыаһыппытыгар Айта Васильеваҕа бу үрдүк аатынан ис сүрэхпититтэн истиҥник эҕэрдэлиибит! Өссө да үрдүк дабайыылары, дьолу-соргуну уонна уостубат айар аартыгы баҕарабыыт! @taattaadm