🌿ОҺУОХАЙ ТҮҺҮЛГЭТИН КЫЛААН ЧЫПЧААЛА: Айта Васильева — 5 июля 2026 г. в 11:18:27.020
🌿ОҺУОХАЙ ТҮҺҮЛГЭТИН КЫЛААН ЧЫПЧААЛА: Айта Васильева Кэбээйи сиригэр ыытыллыбыт Олоҥхо Ыһыаҕын биир саамай кэрэхсэбиллээх уонна күүтүүлээх күрэҕинэн — «Аламай күн алыптаах үҥкүүтэ» оһуохай тылын этээччилэр күрэcтэрэ буолла. Бу саха норуотун ытык үҥкүүтүн кэрэтин таһаарар, уран тыллаах этээччилэри түмэр үрдүк таһымнаах күрэххэ биир дойдулаахпыт, Уус Тааттаттан төрүттээх, оҕо ускуустубатын оскуолатын уһуйааччыта Айта Васильева бэйэтин уһулуччулаах талаанын уонна куолаһын күүһүн итэҕэтиилээхтик көрдөрдө. Кини илин эҥээрдии оһуохайы таһаарыыга уос аһыллар уран тылынан, эҥсиилээх намыын ырыатынан бүтүн түһүлгэни симээтэ уонна дьүүллүүр сүбэ биир санаанан үрдүк сыанабылынан КЫЛААН ААТЫ (Гран-при) ылары ситистэ! Айта Егоровна өбүгэбит ытык оһуохайын үйэтитиигэ уонна кэлэр көлүөнэҕэ утумнаан тиэрдиигэ уһулуччулаах уһуйааччы буоларын өссө төгүл өрөспүүбүлүкэ таһымыгар чаҕылхайдык бигэргэттэ. Ытык Тааттабыт албан аатын үрдүктүк ааттаппыт Айта Васильеваҕа ис сүрэхпититтэн истиҥ эҕэрдэни уонна барҕа махталы тиэрдэбит! 📲МАХ|