Кая карама, „Әтиләр көне“ дип кычкыралар бүген. Ул нишләп бер генә көн соң?! Әтиләрне к...
Кая карама, „Әтиләр көне“ дип кычкыралар бүген. Ул нишләп бер генә көн соң?! Әтиләрне көндә кадерлик, бер генә көн „Әтиләр көне“ дип кенә зурлап булмый. Мин әти кадерен аңламыйча да калдым... Мин йокларга яттым — әти йөри иде әле, мин торганчы китеп тә барган шул. Эх, әти, кадерли алмадым, догаларым белән булса да кадерләсәм инде... Киткәннәр өчен укылган догалар гына кадерле шул хәзер. Кеше вафат булгач, аның гамәл дәфтәре ябыла, ди. Тик өч нәрсәдән генә аңа савап барып тора икән: калдырган файдалы белеме, сәдакаи җариясе (мәчет, күпер яки кое кебек кешеләргә файда китерүче нәрсәләр) һәм аның өчен дога кылучы иманлы, изге баласы. Нәтиҗә ясап ни әйтик: әтиләребезне көн саен кадерлик, киткәннәргә дога кылыйк... Әтиләр көне бүген генә түгел, көн саен булсын!