Яшәү җирдә, матур бәйрәм төсле,
Яшәү җирдә, матур бәйрәм төсле, Гөрләп кенә яшә, теләсәң! Якты көннең могҗизасын күреп, Аһ, яшәгән саен, яшәрсәң... Бик бәхетле булыр иде кеше! Алсуланыр иде йөзләре. Күз яшьләрен түкмәс иде, бәлкем, Таң яктысын күргән күзләре. Язмыш белән ул көрәшмәс иде, Адашса да намус юлында. Сүздән өстен хисләр пөхтәлеге Әгәр булса аның уенда... Һай, бәхетле булыр иде кеше! Саклый белсә саулык-байлыкны. Аңлый калса, җаны-рухы белән, Кояшка тиң булган сафлыкны... Ерак юлга чыгып, китмәс иде, Кайтыр иде кабат яңадан. Хәбәр салган җилләр генә исә, Кайчак юллар яткан арадан. Ялгызлыктан да ул көймәс иде, Үзәкләрне өзеп, сулавы... Нинди бәхет бергә гомер кичеп, Бер караштан, сүзсез аңлавы! Бик бәхетле булыр иде кеше... Җырлап кына тормыш гөрләсә. Уйнап-көлеп, газапларны чикләп, Яралардан йөрәк төзәлсә... Әгәр белсә шундый хисләр барын, Гел шатлыкка гына уралган. Газиз туган ягы - үз илендә, Яңа Тормыш, бәхет табалган! Ниндидер зур бәхет теләсәм дә, Бәхетнең дә татлы кечесе. Әткәй-әнкәй, илем Һәм гаиләм, Сәламәтлегем - дүртенчесе! Алия Зартдинова