💥Бердәмлек һәм дан флагы астында
💥Бердәмлек һәм дан флагы астында Октябрьский Башкортстанның дәүләт суверенитеты турындагы декларация кабул ителүнең 36 еллыгын бүген бәйрәм итә башлады. 🇷🇺🇷🇺 Үзәк мәйданда узган Русия Федерациясе һәм Башкортстан Республикасы дәүләт флагларын күтәрү тантанасына күп сандагы кунаклар – өлкәннәр, балалар, җитәкчеләр, дин әһелләре, ветераннар һәм шәһәр халкы җыелды. Якташларны бәйрәм белән БРның Юстиция эшләре буенча дәүләт комитеты рәисе Владимир Спеле, хакимият башлыгы Алексей Пальчинский җылы тәбрик итте. Дәүләт флагларын күтәрү хокукы махсус хәрби операциядә катнашучы Батырлык ордены кавалеры Артем Овчинников, грек-рим көрәше буенча Русиянең спорт мастеры, дөнья беренчелеге җиңүчесе Илья Кандалин, 22нче мәктәпнең уку алдынгысы, Бөтенрусия фән олимпиадасы призеры Диана Сәмигуллина, хәрби-гамәли дисциплиналар буенча Бөтенрусия һәм республика ярышларында җиңүче һәм призер Илья Чижовка бирелде.