«Югалтуы тиз, табуы авыр, дигән элгәрегеләр. Үз керәшененә кирәк булмаганда газетаның я...
«Югалтуы тиз, табуы авыр, дигән элгәрегеләр. Үз керәшененә кирәк булмаганда газетаның язмышы икеле, кызганыч...»💔 “Туганайлар” журналисты Фрида ВӘЛИТОВА: «Карендәшләргә әйтер сүзем бар!» ✍️Инде 5 елдан артык «Туганайлар» редакциясендә эшлим, керәшен «дөньясында» кайныйм. Онлайн да, офлайн да гаҗәп күп карендәшләр белән аралашам. Кайвакытта шундый сокланам керәшеннәргә, кайвакыт борчуга калам... Борчуларым бигрәк тә подписка чоры җиткәч башлана. Без, журналистлар, еш кына командировкаларда, төрле чараларда булабыз. Газета укучыларыбыз белән очрашып, аларның хезмәтебезгә карата фикерләрен ишетәбез. Соңгы елларда гына да Теләче, Балык Бистәсе, Саба, Сарман, Зәй, Кукмара, Кайбыч, Балтач, Питрәч, Чистай, Мамадыш якларында булып кайттык. Аларның һәркайсында да исем-фамилияләребезне белеп, җылы сүзләр әйтеп, үз итеп каршы алалар. Аларга зур рәхмәт! Ләкин андый карендәшләр хәтта зур керәшен авылларында да бер кулдагы бармак белән генә санарлык... Чөнки, үзләренең бердәнбер газеталарын – бары тик керәшеннәр турында гына яза торган “Туганайлар”ны – бер тапкыр да кулларына тотып та карамаганнар чиксез күп. ❗️ Йөрәк авазы бу: https://tuganaylar.ru/news/xabarlar/tuganailar-zurnalisty-frida-valitova-karendaslarga-aiter-suzem-bar