🔹Форумнуң «Буддизм культураларның диалогунда: кижи төрелгетенниң келир үези» деп шөлүн... — 21 августа 2026 г. в 09:43:58.707
🔹Форумнуң «Буддизм культураларның диалогунда: кижи төрелгетенниң келир үези» деп шөлүнге Шри-Ланка Социалистиг Демократтың Республиканың Буддасасана, шажын болгаш культура талазы-биле сайыды, Хүндүлүг доктор Хинидума Сунил Сеневи журналистер-биле ужурашкан. Ол Россия Федерациязынга төөгүлүг шажыннарны болгаш культурлуг үнелиг чүүлдерни кадагалап арттырганы дээш четтиргенин илеретпишаан, Россияның чоокта чаа саналдааны Индия-биле кады «чогаал үш-булуңчуун» тургузар дугайында бодалын илереткен. «Буддизм бистиң чурттуң культурлуг өнчү-салгалы-биле дорт харылзаалыг. Бир эвес силер бурунгу хоорайларны көөр болзуңарза, буддизмниң философиязы-биле бистиң чурттуң уран чүүлү болгаш культуразы кайы хире харылзаалыын көрүп каар силер. Бо дээрге шынап-ла бистиң өнчүвүс-түр» - деп, Хүндүлүг доктор Хинидума Сунил Сеневи демдеглээн, буддизм Шри-Ланканың бо делегейге бодунуң бот-тускайлаң культуразын арттырып алырынга канчаар дузалап турарын чугаалаан. Шри-Ланка төөгүлүг шажыннарны деткип, культурлуг өнчү-салгалын кадагалап арттырганы дээш Россия Федерациязынга четтиргенин илереткен. А, Делегей чергелиг буддийжи форум чүгле Россия-биле харылзаага хамаарылганы көргүзүп турар Шри-Ланкага чугула айтырыг деп, хүндүлүг доктор Хинидума Сунил Сеневиниң демдеглээн. «Шри-Ланка – хөй культуралыг, хөй националдыг болгаш хөй шажынныг чурт, ында аңгы-аңгы шажыннар эп-найыралдыг чурттап турар. Бо бистиң өнчүвүс болур, ынчангаш аңаа чоргаарланыр бис. Бистиң Конституциявыста шажынның эргелерин камгалап турар чүүл бар. Буддизм болгаш өске-даа шажыннар кажан-даа бот-боттарынга удурланышкак эвес, а эп-найыралдыг болурун күзээр бис. Ону деткип, нептередир херек деп санаар бис» - деп, хүндүлүг доктор Хинидума Сунил Сеневи чугаалаан. Чаа «чогаал культурлуг үшкү-булуңчуун» тургузар дугайында саналды орус таланың сайгарылгаже ооң мурнунда-ла кииргенин ол немээн. «Мында үш чурт каттышкан. Бис Россия Федерациязының төлээзи кылдыр Лев Толстойну шилип алган бис, а делегейде алдарлыг Рабиндранат Тагор Индияны төлээлээр болза, Мартин Викрамасинг Шри-Ланканың төлээзи болур. Культурлуг удур-дедир харылзаа адырында оон-даа калбак кады ажылдаарынга ол езулуг улуг шөл апаарынга идегеп турар бис» - деп, доктор Хиндума Синул Сеневи чугаалаан. Делегей чергелиг буддийжи форум – бүгү делегейден буддийжи төлээлерни чыып, буддизмниң, буддийжи культураның, философияның болгаш практиканың сайзыралынга хамаарышкан амгы үениң айтырыгларын сайгарып, аңгы-аңгы чурттарда буддийжи организациялар аразында делегей чергелиг кады ажылдажылганы быжыглаар хемчег-дир. Бурятияга 2023 биле 2024 чылдарда, а Калмыкияга 2025 чылда баштайгы үш шуулганнар эрткен. Роконгресстиң деткимчези-биле Россияның Буддийжи чаңчылчаан Сангхазы, Бурят Республиканың Чазаа, Калмык Республиканың Чазаа база Буддийжи өөредилге болгаш эртем-шинчилел деткиир фонд ону эрттирип турар.