🔹Тываның Баштыңы, Россияның Даштыкы херектер яамызының тускай төлээзи Михаил Мелех-бил... — 21 августа 2026 г. в 09:41:36.113
🔹Тываның Баштыңы, Россияның Даштыкы херектер яамызының тускай төлээзи Михаил Мелех-биле кады, Кызылга болуп эрткен IV делегей чергелиг буддийжи шуулганының киржикчилери - даштыкы делегацияларның кежигүннери, Индиядан, Шри-Ланкадан, Мьянмадан, Непалдан болгаш өске-даа чурттардан аалчылар ужурашкан. Владислав Ховалыг ол ужуражылгалар дугайында бодунуң бодалдарын социал четкилерде үлешкен. «Форум Тывага аажок улуг перспективаларны ажыдып турар. Делегей чергелиг гуманитарлыг харылзааларны быжыглап, эртем-культурлуг курлавырларны сайзырадып, республикавысты сагыш-сеткилди хаара тудуптар кол төптериниң бирээзи деп статузун бадыткап турар бис. Өөредилге, эртем болгаш культура талазы-биле кады төлевилелдер Тываның онзагай өнчү-салгалын ажыдып, бүгү делегейге ону көргүзеринге дузалаар» - деп, ол бижээн. Республика Баштыңы шуулганга идепкейлиг киржилгези база кады ажылдажылга дугайында саналдары дээш, даштыкы аалчыларга өөрүп четтиргенин илереткеш, моон-даа соңгаар үре-түңнелдиг ажылдаарын, чоокку үеде Россия биле Тыва-биле таныжылгазын уламчылаарын күзээн. Форумга Индия, Шри-Ланка, Кыдат, Моол, Камерун, Испания база Мурнуу-Чөөн Азия чурттары дээш, 20 чурттардан шажынчылар, эртемденнер, аңгы-аңгы организацияларның төлээлери база Россияның хөй-хөй регионнарындан делегациялар киржип турар. Форумнуң программазында культурлуг, ажыл-агыйжы, эртем хемчеглери хөй. Киржикчилер «Культуралар диалогунда буддизм: кижи төрелгетенниң келир үези» деп темалыг аңгы-аңгы дискуссия шөлдеринге ажылдаан. «Ареал» МКАО, «Тардан Голд» КХН, УК «Межегей хөмүр» БК компаниялар Кызылга болуп эртип турар IV делегей чергелиг буддийжи форумунга спонсор дузазын көргүскен.