🔹Тываның Чазааның даргазының оралакчызы Артыш Кыргыстың даргалаашкыны-биле хереглекчил... — 27 августа 2026 г. в 03:21:10.020
🔹Тываның Чазааның даргазының оралакчызы Артыш Кыргыстың даргалаашкыны-биле хереглекчилерге одаар чүүл хандырылгазының айтырыгларын сайгарар оперативтиг штаб республика чазаанда ажылдап турар. Энергетика болгаш чуртталга-коммунал ажыл-агый сайыды Эдуард Кууларның удуртканы ажылчын бөлүктүң кежигүннери брифингини эрттирип, регионда одаар чүүл өртээниң аартап турарының чылдагааннарын болгаш байдалды турумчудар хемчеглерни МИЧ-терге тайылбырлаан. Ол айтырыг Россияның Чазааның Даргазының оралакчызы Александр Новактың хууда контролюнга дээрзин база демдеглээн. Россияның федералдыг монополияга удур албанының Тыва Республикада эргелелиниң, ТР-ниң Тарифтер албанының, Тываның Экономиктиг сайзырал яамызының база Көдээ ажыл-агый болгаш аъш-чем яамызының удуртукчулары болгаш төлээлери брифингиге киришкен. Республика Баштыңы Владислав Ховалыгның Россияның Энергетика яамызы болгаш кол бараан хандырыкчылары-биле чугаалажылгазының түңнелинде, Ачинскиниң нефть болбаазырадыр бүдүрүлгезинден болгаш «Газпромнефть» компаниядан кывар-чаар чүүлдерни июньда дорт сөөртүп эгелээнин сагындыраал. Чамдык регионнарда бензин хандырылгазының үзүктелиишкини болуп турда, ол дугуржулгалар республикага ону болдурбаан. Тываның Энергетика болгаш чуртталга-коммунал ажыл-агый яамызы бөгүнде республикада ажылдап турар 91 автозаправкаларның 89-у хуу кижилерниң өнчүзү дээрзин журналистерге дыңнаткан. Улуг федералдыг четкилерни регионда чүгле Кызылда ийи «Роснефть» заправкалары төлээлеп турар. Энергетика яамызы автозаправкаларда бензин өртээнге дорт салдар чедирип турар аңгы-аңгы барымдаалар барын тайылбырлаан. Хууда заправкалар өртектеринге бүдүрүкчүлерден садып алганы бензининиң өртээн кииреринден аңгыда, заправка ээзиниң мөөңге садып алган немелдезин, сөөртүп эккелген чарыгдалын база орулгага хууну кадып ап турар. Ынчангаш кывар-чаар чүүлдүң иштики рыногунда мөөңнеп садар өртектерден хуу заправкаларның өртектери дорт хамааржыр. Кажан мөөңнеп садар өртектер өскенде, хамаарышпас автозаправкалар когаравазы-биле үүрмектеп садар өртектерин өстүрер ужурга таваржып турар. Амгы үеде бензинниң аар өртээниң кол чылдагааны – мөөңнеп садар өртектиң аартаанында. Улаштыр бо айтыгдан номчуур: https://vk.ru/wall309581850_20897