🔹 Дүүн Золотое – Первомайск автооруунга 15 пассажир сөөртүп чораан автобусче дайзынның... — 27 августа 2026 г. в 09:02:14.374
🔹 Дүүн Золотое – Первомайск автооруунга 15 пассажир сөөртүп чораан автобусче дайзынның дрону кара өжегерээн халдаан терроржу болуушкун болган. Аңаа тос кижи өлген, 6 кижи кемдээн. 20 харлыг когараан аныяк уругну реанимацияда чыттырган, эмчилер ооң амы-тыны дээш тулчуп турза-даа, ону камгалап шыдаваан. Террорчу халдаашкын үезинде ооң авазы база кемдээн. Өске үш пассажирге болгаш чолаачыга чогуур эмчи дузазын чедирип, амбулаторлуг хайгааралда алган. Тываның Баштыңы Владислав Ховалыг айыыл-халаптан мөчээн кижилерниң өг-бүлелеринге ханы кажыыдалын илередип, кемдээн улуска дүрген сегип экириирин күзээн. «Бо биске хамаарышпас деп чүве черле турбас: амгы үеде Луганск Улус Республикада бистиң чаңгыс чер чурттугларывыс хөй, ынчангаш бо болуушкунну дыңнаарга, сагыш-сеткилге дыка аарышкылыг-дыр – деп, ол демдеглээн. – Бодумнуң өмүнээмден база Тываның чурттакчыларының мурнундан мөчээн кижилерниң өг-бүлелеринге болгаш чоок улузунга кажыыдалды илередип тур мен. Бо чидиригни ажып эртер күштү силерге күзедим. Балыгланган кижилер дүрген сегип үнүп келирин күзедим». Луганск Улус Республиканың Баштыңы Леонид Пасечник Украинаның чепсектиг күштериниң халдаашкынын ханныг Киев чазааның террорчу херээ деп адаан. «Дерзии, кээргел чок болгаш агартынар арга чок үүлгедиг. Бо дээрге, буруулуг кижилер чогуур кеземчени албан алыр онза аар дайынчы кем-херек үүлгедии-дир» - деп, ол демдеглээн.