🔹 Россия Федерациязының Президентизиниң Сибирь федералдыг округта бүрүн эргелиг төлээз... — 26 августа 2026 г. в 07:27:16.822
🔹 Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев тускай шериг операциязының хоочуннары болгаш киржикчилери — «ЗВЕЗДА» футбол командазының спортчулары-биле ужурашкан. Ужуражылгага спорттуң адаптивтиг хевирлерин хөгжүдеринче, доктаамал белеткенир байдалдарны тургузарынче, спортчуларны бүгү-российжи маргылдааларга белеткээринче кол кичээнгейни угландырган. Анатолий Серышев «ЗВЕЗДА» командазы-биле чаңөгыс эвес удаа ужуражып турары ол. Бүрүн эргелиг төлээниң чугаазы-биле алырга, мындыг чугаалар ведомстволар аразында кады ажылдажылганы экижидер, адрестиг деткимче хемчеглерин бээр, спортчуларның онзагай арга-дуржулгазын болгаш хереглелин барымдаалап, оларның дилээнге дүрген харыыны бээр. Новосибирск облазының спорт сайыды Сергей Ахапов, Новосибирск облазының күш-ажыл болгаш социал хөгжүлде сайыды Елена Бахарева, Новосибирск хоорайның мэри Максим Кудрявцев база Новосибиск хоорай мэриязының культура, спорт болгаш аныяктар политиказының департамент начальниги Ксения Антонова ук хемчеге киришкен. Ужуражылганың киржикчилер адаптивтиг спортту хөгжүдеринге чугула ужур-уткалыг элээн каш айтырыгларны сайгарган. Спортчуларның шынарлыг белеткениринге база бедик көргүзүглерни чедип алырынга херек спортчу дериг-херексел болгаш инвентарь-биле хандырарынче онза кичээнгейни угландырган. Аңгы-аңгы деңнелдиг маргылдааларга, ооң иштинде Бүгү-россия чергелиг маргылдааларга белеткел база шак-ла ындыг чугула тема болган. Адаптивтиг спорттуң спортчуларын ажылга хаара тудар айтырыгларны аңгы көрген. Ужурадылганың киржикчилери спортчу карьерадан аңгыда профессионал бот-сайзырал – атлеттерниң социал каттыжыышкынының болгаш чедимчезиниң чугула талазы болур дээрзинге чөпшээрешкеннер. Ажыл берикчилери-биле кады ажылдаарының аргаларын, профугланыышкынныг программаларны болгаш ажылдаар черлерин бөдүүнчүдерин база чугаалашканнар. Адаптивтиг спорт адырынче шыырак тренерлерни хаара тудар айтырыг база чугула черни ээлээн. Бо угланыышкынны сайзырадыры чүгле тускай билиглерден аңгыда, спортчуларның тускайлаңын барымдаалап аңгы арга-хевирни база негеп турар. Социал ужур-уткалыг бо адырже специалистерни хаара тудар хемчеглерни база чугаалашкан. Ужуражылганың түңнелде адаптивтиг спорттуң инфраструктуразын быжыглаар болгаш спортчуларның белеткенир база маргылдаалаар аргаларын калбартыр элээн каш тускай хемчеглерни көрген. Спортчуларны деткиир саналдарны тургузарын чогуур ведомстволарга дааскан. «Адаптивтиг спортту деткиири – мага-ботту катап тургузар айтырыгдан аңгыда, кижи бүрүзүнүң арга-шинээн ажыдарынга бүгү талалыг чугула сагыш човаашкын-дыр. «ЗВЕЗДА» командазында спортчуларның арга-дуржулгазы болгаш тура-соруу кандыг-даа шаптараазыннарны ажып эртеринге күштүг хей-аттың болгаш доктаамал деткимчениң көскү үлегер-чижээ-дир» - деп, Анатолий Серышев демдеглээн.