🔹Тываның Баштыңы Владислав Ховалыг республиканың барыын кожууннарынче ажыл-агыйжы сург... — 6 сентября 2026 г. в 08:00:04.379
🔹Тываның Баштыңы Владислав Ховалыг республиканың барыын кожууннарынче ажыл-агыйжы сургакчылаашкын үезинде Ак-Довуракка чедип, социал инфраструктура объектилерин хынап, оларның келир үеде хөгжүлдезин чогуур албанның удуртукчулары-биле чугаалашкан. Хоорайның 2 дугаар школазында 200 хире өөреникчилер өөренип турар. 1961 чылда туттунган школага улуг септелге эргежок херек апарган. Тодаргайлаарга, ийиги каъттың кырын база шалазының кырын солууру чугула. Республика Баштыңы айыыл чок чоруктуң болгаш шынар негелделерин барымдаалап, чогуур ажылдарны таптыг ажылдап кылыр даалганы берген. Хыналда үезинде школаның спортчу инфраструктуразын хөгжүдеринче онза кичээнгейни салган. Келир үеде чаартылга планында школаның шөлүнге чаа спорт зал тудуун база киирген. Төлевилелдиң төлевилел-санаашкын документациязы белен. «Школа чоогунда спорт зал тудары планнаттынган черни хынап көрдүм. Тудугну чүгле тудары эвес, а ону долгандыр шупту херек инфраструктураны тургузары чугула. Бо төлевилелди боттандырарының шупту аргаларын өөренип көөрүн чогуур удуртукчуларга онаадым» - деп, Тываның Баштыңы демдеглээн. Республиканың Баштыңы Владислав Ховалыгның республиканың кожууннарынче ажыл-агыйжы сургакчылаашкынынче амыдырал хандырылга объектилерин болгаш социал инфраструктураны хынаар ажылдар албан кирип турар. Сезоннуг ажылдарны доозарынче база ооң күүселдезиниң шынарын хандырарынче онза кичээнгей угланган. «Бүгү сезоннуг ажылдарны чоорту доозар. Хуусааларын болгаш шынарын албан сагыыры эң кол» - деп, Владислав Ховалыг чугаалаан. Республика Баштыңы үнүүшкүн үезинде чон-биле ужуражылгаларны база эрттирген. Бо хевир аңаа Тус чер чурттакчылардан амгы байдал дугайында дорт медээлерни ап, шиитпирлээр ужурлуг айтырыгларны дүрген тодарадып алырынга ындыг хевир дыка дузалыг.