Бүген Татарстанның Чүпрәле районы Яңа Ишле авылында “Вәлиулла Хәсәнов укулары” дип исем... — 11 июля 2026 г. в 04:08:09.838
Бүген Татарстанның Чүпрәле районы Яңа Ишле авылында “Вәлиулла Хәсәнов укулары” дип исемләнгән өченче фәнни-гамәли конференция уза. Күркәм чарада Татарстан районнары, Казан шәһәре, Ульяновск һәм Самара өлкәләренең дин әһелләре, татар зыялылары, җәмәгать эшлеклеләре, туган як тарихын өйрәнүчеләр катнаша. Программада авыл зиратын зиярәт итү, “Исхуҗа” бабайга истәлек тактасын ачу, “Вәлиулла чишмәсе” суын авыз итү дә каралган. Чишмә буендагы зур сәхнәдә Татарстанның халык артисты Илсаф һәм Тәтеш, Чүпрәле районнарының үзешчән артистлары чыгыш ясаячак. Бәйрәм концерты 16 сәгатьтә башлана.
186 просмотров