Күптән түгел Сафия Арифулла кызы Байгузина фани дөньядан бакыйлыкка күчте. — 27 июля 2026 г. в 06:15:15.667
Күптән түгел Сафия Арифулла кызы Байгузина фани дөньядан бакыйлыкка күчте. Газиз, кадерле кешебезне үзе теләгәнчә туган ягына - Инза районы Дракино авылы зиратына алып кайтып җирләдек, дип хәбәр итте кызы Наилә Камаева. - Әниебез Дракино авылында күпбалалы крестьян гаиләсендә дөньяга килә. Карсун районы Татар Горенкасы мәктәбенә йөреп белем ала. 7 классны тәмамлаганнан соң, Камышлы педагогия училищесына укырга керә. Аннары гомере буе авыл балаларына белем һәм тәрбия бирә. Тырыш хезмәте белән авылдашлары һәм укучыларының хөрмәтен казанып, алардан рәхмәт сүзләре генә ишетеп яши. “Өмет” газетасына шигырьләр яза иде, иҗат җимешләре “Сембер язлары” альманахында да басылды. Шулай ук рәсем ясау, бәйләү һәм алмаз мозаикасы белән мавыга иде. Әниебез соңгы сулышына кадәр “Өмет” газетасына тугрылык саклап яшәде. Хәзер газетаны кулга алган саен йөрәкләребез ничектер сыкрап куя. Аллаһы насыйп итсә, безнең гаиләдә “Өмет”кә урын киләчәктә дә түрдән булыр. Яраткан әниебез һәм әпкаебызның рухы шат, авыр туфрагы җиңел, караңгы гүре якты, урыны җәннәттә булсын. Без аны беркайчан да онытмабыз, аның турындагы якты истәлекләрне күңел түрендә сакларбыз һәм догадан калдырмабыз! ди Наилә ханым.