Бөтендөнья татар конгрессы яңа форматта “ЗӨЯ БУЕ ТАТАРЛАРЫ” төбәкара фәнни-гамәли конфе...
Бөтендөнья татар конгрессы яңа форматта “ЗӨЯ БУЕ ТАТАРЛАРЫ” төбәкара фәнни-гамәли конференциясен оештыра 2030 елгы Халык исәбен алу кампаниясенә әзерлек кысаларында һәм Бөтендөнья татар конгрессы эш планы нигезендә, 2026 елның 29, 30 сентябрь, 1 октябрь көннәрендә Бөтендөнья татар конгрессы Башкарма комитеты җитәкчесе урынбасары — Татарстандагы бүлекчәләр белән эшләү комитеты җитәкчесе Шарипов Ирек Ильдус улы, Бөтендөнья татар конгрессы Башкарма комитеты җитәкчесе урынбасары — татар эшмәкәрләре белән эшләү бүлеге җитәкчесе Уразаев Фәрит Язкәр улы җитәкчелегендә “Зөя буе татарлары” Төбәкара фәнни-гамәли конференциясе оештырыла. Конференциядә Татарстан Республикасы Фәннәр академиясенең һәрбер институтыннан галимнәр катнашачак. Шиһабетдин Мәрҗани исемендәге Тарих институты, Археология институты, Татар энциклопедиясе һәм төбәкне өйрәнү институты, Галимҗан Ибраһимов исемендәге Тел, әдәбият һәм сәнгать институты галимнәре, милли музей, китапханә хезмәткәрләре төрле авыллар тарихларын барлаячак һәм яңа мәгълүмат туплаячак. Җирле галимнәр һәм төбәкчеләр әлеге авылларда бүгенге көндәге хәлләр турында сөйләячәк. ТУЛЫРАК