Ульяновск шәһәренең "Киндяковка" мәдәният йорты каршында эшләп килүче "Нур" татар халык...
Ульяновск шәһәренең "Киндяковка" мәдәният йорты каршында эшләп килүче "Нур" татар халык театры артистлары (режиссеры - Татарстанның атказанган мәдәният хезмәткәре Җәмилә Мифтахова) Чардаклы районы Яңа Кызылсу авылына барып, үз осталыкларын күрсәттеләр. "18 ел буе бикле торган, ә 2025 елда яңадан эшли башлаган, авылның йөзек кашы булган, мәдәният йортына тамашачылар бик теләп йөриләр. Җыр-моңга сусаган авылдашларыбыз өчен төрле чаралар оештырабыз. Безнең максат - гореф-гадәтләребезне, милли сәнгатьне һәм мәдәниятне саклау"-ди мәдәният йорты җитәкчесе Ильнар Гали үлы. Өлкәннәр көненә багышланган чираттага бәйрәм чарасы җылы һәм күнелле узды. Авыл халкы бәйрәмнең беренче бүлегендә чәй табыны артында үзара аралашып җырлап, биеп күңел ачтылар. Икенче бүлегендә "Нур" татар халык театрының Раушан Шәриф әсәре буенча куйган "Килдем әле менә!" спектаклен карап театр дөньясына сәяхәт кылдылар.