Авыл хуҗалыгы үсештә
Авыл хуҗалыгы үсештә 🥔Заманында бәрәңгене зурлап икенче икмәк дип атыйлар иде. Аны барлык хуҗалыклар икте. Бер "Северный" совхозында гына да бәрәңге 500 гектар иде. Бөтен Казан, Арча оешмалары, студентлар, укучылар шул басуларда иде инде. Хәзер районда гына түгел, республикада да иң күп бәрәңге Арча районы игә. "Игенче" ширкәте, кайбер фермерларныкын бергә кушсаң 1500 гектар чамасы. - "Кырлай", "Игенче" ширкәтләрендә бәрәңгенең торышы әйбәт, - ди Россия авыл хуҗалыгы үзәгенең район бүлеге баш агрономы Әхмәт Хәкимҗанов. - Казып үлчәп карадык, бер төптә уртача бер килограмм бүлбеләр бар. Бу гектардан уртача 400 центнер уңыш дигән сүз. Әле үсү дәвам итә. Ике хуҗалыкта да җитен, көнбагыш өлгереп килә. "Игенче"дә соя кузаклары бик күп төшкән. Орлыкка дигән кукурузлар да бик матур. 🌻"Кырлай" ширкәтеннән алып кайткан бер көнбагыш кәрҗиненә Россия авыл хуҗалыгы үзәгенең район бүлеге белгечләре "РСЦ" (Россельхозцентр) дип тә язып куйганнар