Бороҕон нэһилиэгин олохтооҕо Лариса Протопопова Ростовка СВО байыастарыгар волонтерунан... — 11 июня 2026 г. в 02:10:32.172
Бороҕон нэһилиэгин олохтооҕо Лариса Протопопова Ростовка СВО байыастарыгар волонтерунан үлэлээтэ Бороҕон нэһилиэгин социальнай үлэһитэ Лариса Протопопова 2011 сылтан үлэлээбит уопуттаах үлэһит. Кини нэһилиэкпитигэр соҕотох олорор сэттэ кырдьаҕаска, инбэлииттэргэ кыһалҕаларын чэпчэтэргэ дьиэлэригэр көмө оҥорор. Лариса Семеновна үлэтигэр олус бэриниилээх буолан, аҕыйах хонуктааҕыта социальнай көмүскэл министиэристибэтинэн командировкаланан, биир ый устата муус устар 29 күнүттэн бэс ыйын 4 күнүгэр диэри Ростов куоракка волонтерунан үлэлээн кэллэ. Волонтердар көмөлөрө анал байыаннай дьайыы буола турар сиригэр олус наадалаах. Манна кини госпитальга тиийэн, байыаннай дьайыыга кытта сылдьан эчэйии ылбыт байыастарга көмө оҥордо, кинилэргэ күннээҕи туттар тэриллэрин, таҥаһы-сабы, бородууктаны, сокуонунан көрүллэр бааһырбыт байыастар төлөбүрдэрин ылыыга, докумуоннарын оҥорууга көмө үлэтин ыытта. Кинилэр чугас дьоннорун кытта сибээһи олохтоото, хас биирдии байыаска болҕомто ууран, уоскутан санааларын көтөхтө. Лариса Семеновна икки уол күн күбэй ийэтэ, сиэн уол эйэҕэс эбэтэ. Кини нэһилиэк уопсастыбаннай үлэтиттэн туора турбат. Ол курдук уус-уран самодеятельноска, түөлбэнэн үлэҕэ көхтөөхтүк кыттар. Дьоҥҥо истиҥ сыһыанын, көмөҥ иһин махтанабыт. ✍️Светлана Прудецкая, библиотекарь, уопсас. кэрэсп., Тумул ⬇️⬇️⬇️ мюрюгазета.рф 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia