Улуустааҕы оҕолорго аналлаах социальнай реабилитациялыыр киин тэриллибитэ 20 сыла — 26 июня 2026 г. в 02:08:22.141
Улуустааҕы оҕолорго аналлаах социальнай реабилитациялыыр киин тэриллибитэ 20 сыла 🤲Оҕону араҥаччылыыр аналлаах үлэ 2005 сыллаахха балаҕан ыйын 2 күнүнээҕи 1053-с №-дээх СӨ Бырабыыталыстыбатын дьаһалыгар олоҕуран 2006 сыллаахха улууспутугар «Уус Алданнааҕы сокуоннай саастарын ситэ илик оҕолору чөлүгэр түһэрэр социальнай киин» СӨ судаарыстыбаннай хааһына тэрилтэтэ арыллан оҕолорго аналлаах саҥа социальнай тэрилтэ баар буолбута. Быйыл биһиги улууспутугар тэриллибитэ номнуо 20 сыла буолла. Бу киин олох ыарахан түгэнигэр түбэспит оҕолору уонна ыаллары кытта ыкса ситимнээхтик үлэлээн кэллэ. Хас биирдии ыал уонна оҕо туһугар үлэни тэрийэн үлэлиэххэ диэтэххэ, балачча уһун кэм устата тэрилтэҕэ хас да салайааччы уонна элбэх специалист, үлэһит үлэлээн аастылар. Кинилэр бары оҕо барахсаны араҥаччылаары, харыстаары туох баар билиилэрин-көрүүлэрин, болҕомтолорун ууран, кыахтарын анаан үлэлээтэхтэрэ-хамсаатахтара. Бу тэрилтэ – оҕо тэрилтэтэ, ол эрээри атын оҕо тэрилтэлэриттэн улахан уратылаах. Ол курдук социальнай, медицинскэй, педагогическай, психологическай хайысхалар биир сиргэ, биир ситимҥэ түмүллэн былааннаах үлэ ыытыллар. Бу үлэ эйгэтэ хас биирдии үлэһиттэн амарах санааланыыны, сылаас сыһыаннаах уонна кыһамньылаах буолууну эрэйэр. Киин тэриллэригэр директорынан Николай Николаевич Матвеев, директоры иитэр үлэҕэ солбуйааччынан Илья Егорович Степанов, директоры административнай-хаһаайыстыбаннай чааска солбуйааччынан Никита Петрович Бурнашев ананан, тэҥҥэ үлэлээннэр тэрээһин уонна үлэни саҕалааһын бары уустуктарын бииргэ аастахтара. Онтон 2010 сыллаахтан бу хайысхаҕа улахан уопуттаах, дьаһаллаах Анна Прокопьевна Бурнашева ананан, тэрилтэ ситиһиилээхтик үлэлээн республика таһымыгар тахсарыгар айымньылаах үлэни кэлимник уонна сатабыллаахтык тэрийбитэ. Ол кэмҥэ тэрилтэ документацията, методическай үлэтэ сааһыланан биир ситимнэнэригэр сүҥкэн үлэ ыытыллыбыта. ✍️Светлана БУРЦЕВА, Арассыыйа суруналыыстарын сойууһун чилиэнэ Сиһилии сайтка ⬇️⬇️⬇️ БАТТАА 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia