👍“Кустук” лааҕыр оҕолоро редакцияҕа ыалдьыттаатылар — 21 августа 2026 г. в 03:27:49.482
👍“Кустук” лааҕыр оҕолоро редакцияҕа ыалдьыттаатылар Бүгүн редакция иһэ эмискэччи оҕо чугдаарар саҥатынан туолан ылла – улуустааҕы социальнай кэлим киин стационарнай отделениетын иһинэн тэриллибит «Кустук» оҕо сайыҥҥы былаһааккатын түмүктүүр 3-с сезонун оҕолоро “Мүрү саһарҕата” хаһыат, типография үлэтин-хамнаһын билсэ кэлэ сырыттылар. Суруналыыс Светлана Сивцева оҕолору батыһыннара сылдьан кэрэспэдьиэн ыстатыйаны суруйуоҕуттан хаһыат таҥыллан тахсыар диэри түһүмэхтэри барытын сиһилии кэпсээтэ. Стационарнай отделение сэбиэдиссэйэ Светлана Бурцева этэринэн, лааҕыр үлэтэ быйыл оҕолору сахалыы тылынан саҥарарга, суруйарга үөрэтиигэ туһуламмыт, ол иһин улууска тахсар соҕотох хаһыат үлэтин билиһиннэрэр оруннааҕын ыйда. Оҕолор олус интэриэһиргииллэр, билбэттэрин тута ыйытан, быһаарсан иһэллэр эбит. Инникитин хаһыат үлэтин сэргээн, биир эмит оҕо суруналыыс буолан үүнүө-сайдыа турдаҕа. 📲Мах-каналбытыгар сурут ⬇️ https://max.ru/channel_ua_murusahargata 🌐https://мюрюгазета.рф/ ✅ @uamurusahargata @ulusmedia