Кэбээйигэ олоҥхо ыһыаҕын ситиһиилэрэ — 6 июля 2026 г. в 15:53:41.377
Кэбээйигэ олоҥхо ыһыаҕын ситиһиилэрэ XIX-с төгүлүн ыытыллыбыт Олоҥхо ыһыаҕар "Омук төрүт таҥаһа - өбүгэ өйдөбүнньүгэ" саха таҥаһын күөн-күрэһэр 18-с - 19-с үйэтээҕи таҥаһы сөргүтүүгэ кытынна Алдана Егорова, Мүрү нэһилиэгэ, аныгы стиллээх саха таҥаһыгар Мавра Местникова, Өлтөх нэһилиэгэ, дьиэ кэргэн таҥаһыгар Анастасия Габышева, Бороҕон нэһилиэгэ. Анал ааты ылла Алдана Егорова, дьиэ кэргэн көрүҥэр 1 миэстэ буолла Анастасия Габышева. Норуот уус-уран оҥоһуктарынан "Иис-уус дьарыга - үйэлэр кистэлэҥнэрэ" күөн-күрэскэ өбүгэ үгэстэринэн иистэнии көрүҥҥэ "Ыраас сиик" анал ааты ылла Зинаида Попова, Мүрү нэһилиэгэ, "Сиэдэрэй ат симэҕэ" анал ааты ылла Татьяна Дегтярева -Мүрү нэһилиэгэ. Кыл-сиэл оҥоһуктар көрүҥҥэ "Саха итэҕэлин тарҕатыы" анал ааты ыллылар "Уран" түмсүү, салайааччы Екатерина Копырина -Лөгөй нэһилиэгэ, "Кэрэ көстүү" анал ааты ылла Маргарита Пестерева Найахы нэһилиэгэ. "Үргэл" А. А. Киренскай ааптарскай ньыматынан оҥоһуллубут хомуһу оҥоруу күөн-күрэһин кыайыылаахтарынан буоллулар 1 үрдэл Роман Готовцев - Байаҕантай нэһилиэгэ, 2 үрдэл Спиридон Иванов -Дүпсүн нэһилиэгэ, 3 үрдэл Петр Куличкин -Мүрү нэһилиэгэ. "Куйаар кутуллар дорҕооно" кылыһах-кырыымпаҕа оонньооччулар күөн-күрэстэригэр бэйэтэ оҥорбут кырыымпатынан 3 үрдэл буолла Василий Тимофеев - Курбуһах нэһилиэгэ. "Бастыҥ көмүс ууһа" Кэбээйи нэһилиэгиттэн төрүттээх, номоххо киирбит ХХ үйэ бастыҥ көмүс ууһа Андрей Филиппович Терехов-Күкүр Уус холобурунан бөҕөх оҥоруутугар ювелирдар күөн-күрэстэригэр 1 үрдэли ылары ситистэ эдэр кэскиллээх ууспут Айаал Никитин - Баатаҕай нэһилиэгэ. Төрүт оҕунан ытыыга "Далла мэндэйии" күөн-күрэс "Ырааҕы ытыы" көрүҥэр 3 үрдэл, "Сыал ытыы" көрүҥэр 3үрдэл, төрүт үгэһинэн оҥоһуллубут саха ох саатын оҥорууга күөн-күрэскэ 3 үрдэл буолла Семен Петров - Хоро нэһилиэгэ, онтон "Сыал ытыы" көрүҥэр 1 үрдэл, төрүт үгэһинэн оҥоһуллубут саха ох саатын оҥорууга күөн-күрэскэ анал ааты ылла Семен Орлов. "Бастыҥ уус-уран оҥоһуулаах саха быһаҕа" уус-уран саха быһаҕын оҥорууга 3 үрдэл, "Бастыҥ болгуо саха быһаҕа" болгуо тимиртэн саха быһаҕын оҥорууга 3 үрдэл буолла Андриан Колесов -Найахы нэһилиэгэ. "Алгыстаах ытык иһиттэр" саха төрүт иһиттэрин оҥорууга 3 үрдэли ылла Меркурий Корякин -Курбуһах нэһилиэгэ. Уран уустарбыт ситиһиилэринэн улууспут аатын ааттата турдуннар, айымньылаах, саҥаттан саҥа үлэлэри таһаара тураргытыгар баҕарабыт. Матрена Герасимова, "Олоҥхо дьиэтэ" этнокультурнай киин специалиһа