«Үс өрүс тардыылаах, уу чалгый куттаах Кэбээйигэ 19-с Олоҥхо ыьыаҕа ыытыылынна. — 6 июля 2026 г. в 06:46:38.793
«Үс өрүс тардыылаах, уу чалгый куттаах Кэбээйигэ 19-с Олоҥхо ыьыаҕа ыытыылынна. Уус Алдан улууһа 70-ча киһилээх делегациялаах кыттыыны ыллыбыт. Бастакы күн, от ыйын 3 күнүгэр «Саха сирин улуустарын амтана» төрүт аһы астаан көрдөрүүгэ маастар кылааһы көрдөрдүлэр . Манна асчыт Акулина Готовцева үс араас үрүмэни, убаһаттан симии оһоҕос, Баатаҕай бурдугуттан лэппиэскэ, алаадьы араһыттан, мунду, соботтон бэйэтэ айбыт бөрүөгүн, быырпах, кымыс, үтэһэлээх эттээх сандалы остуолун тарта. Манна бииргэ үөрэммит 79 выпустара күүс-көмө буолбуттарыгар барҕа махталбытын тиэрдэбит. Киэһэ олоҥхо түһүлгэтигэр ааттаах-суоллаах үбүлүөйдээх олоҥхоһуттарга аналлаах түһүлгэ тэрилиннэ. Тэрээһин Уус Алдан олоҥхоһуттара Бурнашев Н.П.-Боодоҕос 150 уонна Данилов И.И.- Тойтуун Уйбаан 135 сылларыгар аналлаах сэһэнинэн саҕаланна. Манна Боодоҕос туһунан Олоҥхо Дьиэтин специалиһа Елизавета Данилова, Тойтуун туһунан сыдьаана Арыылаахтан Надежда Колодезникова сырдаттылар. Салгыы тойуксуттар күрэстэригэр Хороттон Александра Илистярова тойук көрүҥэр кыттан анал аатынан бэлиэтэннэ. Оҕунан таба ытыыга 1 Үрдэли Семен Орлов, 3 Үрдэли Семен Петров ылары ситистилэр. Елизавета Данилова, "Олоҥхо Дьиэтэ" ЭКК уус-уран салайааччыта