Новости · 19 августа 2026 г.

👍Лөгөй нэһилиэгэр култуура сайдыытын кэпсиир дьоһун кинигэ баар буолла — 19 августа 2026 г. в 01:29:04.537

👍Лөгөй нэһилиэгэр култуура сайдыытын кэпсиир дьоһун кинигэ баар буолла Бу “Көлүөнэ ситимэ – култуура сайдыытыгар” диэн ааттаммыт кинигэ Лөгөй нэһилиэгин сиригэр-уотугар төрөөн-үөскээн, олорон ааспыт олоҥхоһуттартан саҕалаан нэһилиэккэ, улууска, өрөспүүбүлүкэҕэ тиийэ култуура сайдыытын түстэспит биир дойдулаахтарын, уус-уран самодеятельность кыттыылаахтарын, талба талааннаахтарын: иистэнньэҥнэри, мас, тимир уустарын, хомоҕой тыллаах хоһоонньуттары, бэчээт эйгэтин үлэһиттэрин сырдатар. Ону тэҥэ биир сүрүн суолталаах түһүмэҕинэн Кэптэнигэ кулууп аһыллыаҕыттан күн бүгүнүгэр диэри бэлиэ түгэннэр, кулуупка үлэлээбит дьон ааттара үйэтитилиннилэр. Нэһилиэк историятыгар култуура салаатын кэпсиир улахан үлэни П.П. Оготоев аатынан Кэптэнитээҕи сынньалаҥ киинин методиһа, СӨ култууратын туйгуна, Лөгөй нэһилиэгин бочуоттаах олохтооҕо Вера Сыроватская оҥордо, кини кинигэтин быйыл Саха Өрөспүүбүлүкэтигэр биллэриллибит Култуура сылыгар уонна өр сыл Кэптэни кулуубугар дириэктэринэн үлэлээбит аҕатын ССРС култууратын туйгуна Егор Егорович Заровняев сырдык кэриэһигэр, сцена бэтэрээннэригэр, биир дойдулаахтарыгар анаата. Вера Егоровна бу кинигэ тахсыытын барытын бэйэтин үбүнэн уйунан төрөөбүт нэһилиэгэр, үлэлиир кулуубугар, биир дойдулаахтарыгар сүҥкэн бэлэҕи оҥордо. 📲Мах-каналбытыгар сурут ⬇️ https://max.ru/channel_ua_murusahargata 🌐 https://мюрюгазета.рф/ ✅ @uamurusahargata @ulusmedia