Алтынньы 7 күнүгэр "Олонхо Дьиэтэ" этнокультура киинигэр Мүрү нэһилиэгин III-с саас ос...
Алтынньы 7 күнүгэр "Олонхо Дьиэтэ" этнокультура киинигэр Мүрү нэһилиэгин III-с саас оскуолатын саҥа сезонун аһар "Норуоттар сомоҕолоһуулара — Арассыыйа күүһэ-уоҕа» диэн ааттаах тэрээһин үрдүк таһымнаахтык буолан ааста. Бу күн алта хамаанда - «Сканди», «Айар иис», «Оҕуруо абылаҥа», «Кустук»,«Эмтээх от», Мындааба ветераннарын түмсүүтэ кыттыыны ыллылар. Бырааһынньык арыллыытын уонна курэхтэри Елена Охлопкова иилээн-саҕалаан ыытта. Олоххо көхтөөх аҕам саастаах дьоммутун Мүрү баһылыгын солбуйааччыта Вераника Сивцева эҕэрдэлээтэ. Ыалдьыттарга, кыттааччыларга сэргэх ырыаларынан, үҥкүүлэринэн эҕэрдэлээтилэр Айаал Вырдылин , «Сыдьаайа»ансаамбыл( салайааччы Марфа Андреева), «Дьол көлүччэтэ» үҥкүү бөлөҕө( салайааччы Платон Стрекаловскай), Иван Прибылых. Хамаандалар кыайыы иһин араас күрэхтэргэ күөн көрүстүлэр: араас норуот астарын уонна таҥастарын көрдөрдүлэр, Арассыыйа дойдуларын үҥкүүлэрэ, ырыалара кэрэхсэттилэр, араас минньигэс бииртэн биир ас остуолларга күрэҕи өссө киэргэттилэр. «Көмүс күһүн» уонна «Мин тэлгэһэм» фотоконкурска хамаандалар бэркэ бэлэмнэнэн кытыннылар. Елена Охлопкова кыттааччыларга араас дойду үҥкүүлэринэн флешмоб ыытан сэргэхситтэ, Марфа Алексеева араас маассабай оонньуулары ыытта. Кыттааччылар олус көхтөөхтүк кыттыннылар, сэргэхсийдилэр, астынан-дуоһуйа саҥа үөрэх дьылын саҕалаатылар. Елена Охлопкова, "Олоҥхо Дьиэтэ" ЭКК специалиһа.