“Кэхтибэт талааннар” бэтэрээннэр бэстибээлэ 1 бөлө5үн түмүктүүр кэнсиэрэ Тумул бөһүөлэг...
“Кэхтибэт талааннар” бэтэрээннэр бэстибээлэ 1 бөлө5үн түмүктүүр кэнсиэрэ Тумул бөһүөлэгэр үрдүк таһымнаахтык, өрө күүрүүлээхтик ааста. Бэстибээл үөрүүлээх арыллыытыгар Боро5он нэһилиэгин баһылыга Константин Копырин кыттааччылары, ыалдьыттары э5эрдэлээтэ. Нэһилиэк аатыттан э5эрдэ суругу, өйдөбүнньүк сувенирдары улуустаа5ы бэтэрээн Сэбиэтин бэрэссэдээтэлигэр И.И. Колодезниковка, нэһилиэктэр бэтэрээн Сэбиэттэрин бэрэссэдээтэлигэр туттарда. Иван Иванович бэстибээл кыттыылаахтарыгар, Тумул олохтоохторугар улууска ыытыллар үлэни-хамнаһы билиһиннэрдэ, ситиһиини ба5арда. Салгыы Суотту нэһилиэгин бэтэрээннэрин Сэбиэтин бэрэссэдээтэлэ Е.И. Свинобоева э5эрдэлээн туран Боро5он нэһилиэгин баһылыгар махтал суругун туттарда. Өлтөх, Курбуһах, Суотту уонна Боро5он нэһилиэктэрин а5ам саастаахтара сүрдээ5ин бэлэмнэнэн кэлэн, бииртэн биир ча5ылхай нүөмэрдэри көрдөрдүлэр. Бэйэлэрин кэмнэригэр үлэни эрэ өрө туппут көлүөнэ эдэр ыччакка эппиэтинэстээх буолуу, нэһилиэк туһугар бэриниилээх буолуу үтүө холобурун көрдөрдүлэр. Бэйдиңэ кулууба өрөмүөңңэ турарынан Бэйдиңэттэн Арыылаахха күн аайы кэлэн бэлэмнэнии, бу буолла5а дойду туһугар түмсүүлээх буолуу үтүө холобура. Бүгүңңү кэнсиэргэ Курбуһах, Өлтөх нэһилиэктэриттэн эр дьон турунан кыттыбыттара кэрэхсэбиллээх. Ол курдук, Өлтөх нэһилиэгиттэн 23 киһи кыттыбыт буолла5ына онтон 13 эр дьоннор, Курбуһах нэһилиэгиттэн 23 киһиттэн - 10 эр дьоннор. 4 нэһилиэктэн бэстибээлгэ барыта 108 киһи кыттыыны ылла. Саамай а5ам саастаах кыттааччыларынан буоллулар - Тумул бөһүөлэгиттэн 82 саастаах Зоя Ивановна Протопопова, Курбуһахтан 80 саастаах Семен Федорович Винокуров👍👏👏👏 Бастыңнарынан ааттаннылар: • Суотту нэһилиэгиттэн - дипломаннар - ансамбл, трио, уус-уран аа5ыыга Василий Дегтярев, лауреаттар - Зоя Заровняева, сценка “Междугородка”. Манна Мундулаах олохтоо5ун оруолун толорбут Роза Татаринованы ойуччу тутан бэлиэтиэххэ наада👍👏 • Боро5он нэһилиэгиттэн - дипломаннар - “Саламалаах” үңкүүнэн “Далбар” үңкүү бөлө5ө, уус-уран аа5ыыга Акулина Сокольникова. • Өлтөх нэһилиэгиттэн - дипломант - квартет, лауреаттар - Ефим Дегтярев, “Каляда” үңкүүнэн “Сардаңа” үңкүү бөлө5ө. • Курбуһах нэһилиэгиттэн - дипломант - Семен Винокуров, лауреаттар - “Төлөн” үңкүү бөлө5ө, ансамбл, квартет, уус-уран аа5ыыга Тамара Баишева, Василий Черноградскай. Уопсай түмүккэ: • Суотту - 4,85 • Боро5он - 4,89 • Өлтөх - 4,91 • Курбуһах - 4,97 баллары ылары ситистилэр. Кэнсиэр үрдүк таһымңа ааһарыгар ыытааччылар Суоттуттан Надежда Черкашина, Өлтөхтөн Прасковья Сивцева, Курбуһахтан Зинаида Григорьева, Тумултан Анна Парникова кыайа тутан ыыттылар. А5ам саастаах көлүөнэ дьоммутугар бол5омто уурар, кинилэр сынньалаңнарын тэрийэр, эдэр көлүөнэ ыччакка олоххо көхтөрүнэн, олоххо тардыһыыларынан үтүө холобур буолалларын көрдөрөр сыаллаах-соруктаах ыытыллар “Кэхтибэт талааннар” бэстибээл туруоруммут сыалын соругун ситтэ дии саныыбыт. Ону көрөбүт күндү дьоммут үөрбүт-көппүт харахтарыгар, эдэр саастарын санаан эрчимнээхтик хардыылыыр көрүңнэригэр, үөлээннээхтэрин көрсөн үөрбүт сирэйдэригэр. Куруук маннык мичээр аргыстаах сылдьың күндү көмүс көлүөнэ дьоммут, этэңңэ доруобай эрэ буолуң, хас биирдии үүнэр саңа күнү уруйдуу-айхаллыы көрсүң🙏👏👏👏