Улуустааҕы оҕону чөлүгэр түһэрэр киин төрүттэммитэ 20 сылын бэлиэтээтэ — 26 июня 2026 г. в 08:40:01.305
Улуустааҕы оҕону чөлүгэр түһэрэр киин төрүттэммитэ 20 сылын бэлиэтээтэ Оҕо диэн үүнээйи кэриэтэ буоллаҕа. Оҕоҕо олоххо тапталы иҥэрэн сылаас сыһыанынан тулалаатахха силигилии чэлгийиэ, олоҕу симии, ситимнии салгыаҕа. Оттон олох уустугар оҕустарбыт оҕо барахсан иинэн, кэхтэн барыаҕа. Бүгүн ааспыт сылтан Улуустааҕы нэһилиэнньэ социальнай көмүскэлин кэлим киинин иһинэн үлэлиир Уус Алданнаҕы сокуоннай саастарын ситэ илик оҕолору чөлүгэр түһэрэр киин төрүттэммитэ 20 сыллаах үбүлүөйүн үөрүүлээх быһыыга-майгыга бэлиэтээтэ. Улууспут баһылыга Василий Алексеев эҕэрдэлээн туран, улууспут социальнай олоҕор-дьаһаҕар төһүү суолталаах тэрилтэҕэ - нэһилиэнньэ социальнай көмүскэлин кэлим киинигэр, дьоҥҥо-сэргэҕэ туһалаатын диэн саҥа массыынаны дохсун ытыс тыаһыгар салайааччы Иннокентий Сергеевка туттарда. Итиэннэ, Ил Түмэн бэрэссэдээтэлин бастакы солбуйааччытын махтал суругун Светлана Бурцеваҕа, Ил Түмэн социальнай политикаҕа, үлэҕэ хамыһыйатын бочуоттаах грамотатын Зоя Сивцеваҕа, “Үлэҕэ килбиэнин иһин” бэлиэни Анна Прокопьевна Бурнашеваҕа, улуус дьаһалтатын бочуоттаах грамотатын Иннокентий Сергеевка, Виктория Татариноваҕа уонна махтал суругун Анна Петровна Бурнашеваҕа, Күбэйэ Бороҕоҥҥо туттарда. Салгыы эҕэрдэ тылы СӨ Үлэҕэ уонна социальнай сайдыыга министиэристибэтин исписэлииһэ Наталья Колесова эттэ, уонна “СӨ социальнай сулууспатын туйгуна” бэлиэни Лариса Протопоповаҕа, Октябрина Протопоповаҕа, Мария Готовцеваҕа дохсун ытыс тыаһыгар туттарда. Итиэннэ министиэристибэ бочуоттаах грамотатынан Иван Окоемовы, Саргылана Павлованы, махтал суругунан Галина Саввинованы, Антонида Сивцеваны, Айна Неустроеваны бэлиэтээтэ. Мүрү нэһилиэгин баһылыга Прокопий Румянцев махтал суругунан Наталья Гуляеваны, Вероника Новгородованы, Мария Федорованы бэлиэтээтэ. Оттон Иннокентий Сергеев нэһилиэнньэ социальнай көмүскэлин кэлим киинин махтал суругун Диана Барашковаҕа, Юлия Бурцеваҕа, Евдокия Максимоваҕа туттарда. Ону тэҥэ тэрилтэ үөрүүлээх күнүнэн улууспут тэрилтэлэрин салайааччылара, социальнай патрнердар эҕэрдэлээтилэр. ✍Мария Аргунова