СӨ тыатын хаһаайыстыбатын иһинэн үлэлиир кыра кыамталаах эбийиэктэри тутуу программата ... — 26 июня 2026 г. в 05:42:18.582
СӨ тыатын хаһаайыстыбатын иһинэн үлэлиир кыра кыамталаах эбийиэктэри тутуу программата кэнники сылларга көдьүүстээҕин көрдөрдө. Ол курдук Баатаҕай бөһүөлэгэр «Биэттэ - Агро» хаһаайыстыба бэйэтин үүннэрэр бурдугуттан бородууксуйа оҥорон таһаараары бу программанан бэкээринэ дьиэтин тутта сылдьар. Бу үлэ хаамыытын уонна уопсай балаһыанньаны билсэ улуус баһылыга Василий Алексеев «Биэттэ - Агро» хаһаайыстыбаҕа сырытта. Манна даҕатан эттэххэ, бу былааннарын өйөөн, олоххо киирэрин туһугар бу сыл олунньу ыйыгар ыытыллыбыт улуустааҕы тыа хаһаайыстыбатын форумун кэмигэр, агроном идэлээх эдэр специалист Василий Сивцев улуус баһылыгар үлэтин былаанын билиһиннэрбитэ, оҥорон таһаарыахтаах бородууксуйаларын аҕалан көрдөрбүтэ. Эдэр киһи кэскиллээх былааннааҕын сэҥээрэн, олоххо киирэрин туһугар улуус дьаһалтата көмө оҥорон, бурдук мэһийэр мельница ылан биэрбитэ. Ол мельницалара бу күннэргэ таһаҕастанан кэллэ. Онон хаһаайыстыба бары хайысханан толору үлэлииригэр кыах бэрилиннэ. Улуус дьаһалтатын пресс-сулууспата.