Бу күннэргэ улуус баһылыга Василий Алексеев "Сахатранснефтегаз" хампаанньа уонна "Туйма... — 24 июня 2026 г. в 14:24:50.177
Бу күннэргэ улуус баһылыга Василий Алексеев "Сахатранснефтегаз" хампаанньа уонна "Туймаада-Нефть" салалталарын кытта көрүстэ. Көрсүһүүгэ сүрүн боппуруоһунан бензин уонна сэлээркэ уматыгын тиэйии уустугуран эрэрэ буолла. Сорох хайысхаларынан уматыгы таһаҕастааһын тохтоон турар. Ити эрээри, билиҥҥитэ өрөспүүбүлүкэҕэ уматык саппааһа баар, ол эрэн бу балаһыанньа уһаатаҕына үлэҕэ-хамнаска харгыстары үөскэтиэн сөп. Улуус дьаһалтата бу уустук быһыыны-майгыны хонтуруолга ылар сыалтан, улууска суһал ыстаабы тэрийдэ. Бу ыстаап улууска уматык саппааһын уонна күҥҥэ төһө ороскуоттанарын кэтээн көрөн, ааҕан-суоттаан учуокка ылыаҕа. Улуус дьаһалтатын пресс-сулууспата.
220 просмотров