🌟Суотту орто оскуолата Өрөспүүбүлүкэҕэ иитии үлэтигэр бастыҥынан ааттанна — 2 июля 2026 г. в 11:23:26.878
🌟Суотту орто оскуолата Өрөспүүбүлүкэҕэ иитии үлэтигэр бастыҥынан ааттанна Амма улууһугар бэс ыйын 29-с от ыйын 1-гы күннэригэр «Тыа сирин оскуолата уонна Үөрэхтээһин маарката» («Сельская школа & Образовательная марка») диэн Өрөспүүбүлүкэтээҕи XXII үөрэх эйгэтин үлэһиттэрин дьаарбаҥката ыытылынна. 12 былаһаакканан араас күрэхтэр ыытылыннылар, олор истэригэр «Оҕо саас сирдьиттэрин (Навигаторы детства)» «Саха Өрөспүүбүлүкэтин иитэр үлэтин Бастыҥ ыстааба (Лучший штаб воспитательной работы)» IV Региональнай куонкурус буолла. Манна 8 улуус кытынна: Мэҥэ Хаҥалас, Нам, Сунтаар, Таатта, Томпо, Хаҥалас, Чурапчы уонна биһигиттэн улууспут биир бастыҥ үөрэҕин кыһата - Суотту орто оскуолата. Хамаанда маннык састааптаах улууспут чиэһин көмүскээтэ: дириэктэр Ирина Петухова, дириэктэри иитэр үлэҕэ солбуйааччыта – Иннокентий Алексеев, дириэктэри иитэр үлэҕэ сүбэһитэ - Федосия Сыроватская, кылаас салайааччыта – Айна Слепцова, эбии үөрэхтээһин педагога - Елизавета Портнягина. Күрэх 3 түһүмэхтэн турар – бэйэни билиһиннэрии, музыкальнай эҕэрдэ уонна биирдиилээн күрэхтэр. Дириэктэр темата «Стратегия единства и культуры», завуч темата «Проектурием единство», сүбэһит – “Навигация по зову сердца”, кылаас салайааччыта – “Родительский союзник”, эбии үөрэхтээһин педагогун киэнэ “Традиции оживают”. Бары түһүмэхтэргэ ситиһиилээхтик кыттаннар, ол курдук, дириэктэр 1 миэстэ, завуч уонна сүбэһит – 2 миэстэ, эбии үөрэхтээһин педагога – 3-с, кылаас салайааччыта – 4 миэстэ, «Кутаа тула ырыа» - 1-кы, хас биирдиилэрэ кыайыы туһугар тус кылааттарын киллэрэн, Өрөспүүбүлүкэҕэ иитии үлэтигэр бастыҥ хамаандалаах үлэлээх ааты ылары ситистилэр👏🏻👏🏻👏🏻🥳🥳🥳 Куонкурус иитии, үөрэтии хамаанданан үлэ буоларын, оттон педагогтар икки ардыларыгар уопут атастаһыы үчүгэй үгэстэри тутуһарга, аныгы иитэр практикалары сайыннарарга уонна идэтийбит уопсастыбаны бөҕөргөтөргө көмөлөһөрүн өссө биирдэ бигэргэттэ. Улууспут бары үөрэх эйгэтин үлэһиттэрин ааттарыттан Суотту оскуолатын коллективын маннык улахан кыайыыгытынан эҕэрдэлиибит, улууспут аатын үрдүктүк ааттаппыккытынан истиҥ махталбытын тиэрдэбит👏🏻👏🏻👏🏻 Мария Винокурова, «Оҕо саас сирдьиттэрин» федеральнай бырайыак улуустааҕы координатора