🇷🇺 Бэҕэһээ, Байыаннай дьайыы бэтэрээннэрин күнүгэр, дойдубут туһугар турууласпыт дьом... — 2 июля 2026 г. в 08:57:52.634
🇷🇺 Бэҕэһээ, Байыаннай дьайыы бэтэрээннэрин күнүгэр, дойдубут туһугар турууласпыт дьоммутугар аналлаах тэрээһин улууспут киинигэр буолан ааста. Манна Уус Алдантан байыаннай дьайыы 18 бэтэрээнэ кытынна. Тэрээһин кыттыылаахтара байыаннай дьайыыга сырдык тыыннарын толук уурбут хоһуун байыастарбыт сырдык ааттарыгар сүгүрүйэн Василий Данилов пааматынньыгар иһийэн туран сибэкки дьөрбөтүн уурдулар. Ол кэннэ “Олоҥхо дьиэтэ” этно-култуурунай кииҥҥэ ыраастаныы, араҥаччыланыы алгыһын ыллылар. Улуус баһылыга Василий Алексеев тэрээһин кыттыылаахтарыгар махтал, алгыс тылларын анаан туран, байыаннай дьайыы бэтэрээннэрин махтал суругунан бэлиэтээтэ. Итиэннэ үс буойун сырдык аатыгар судаарыстыбаннай наҕараадалары чугас дьонноругар туттарда: гвардия рядовойа, анал байыаннай дьайыы бэтэрээнэ Дьулустан Гаврильевич Новоприезжай “Эр санаа” уордьанын уола Алекс Новопризжай, гвардия рядовойа, анал байыаннай дьайыы бэтэрээнэ Геннадий Валериевич Андросов “Эр санаа” уордьанын ийэтэ Зоя Бурнашева туттулар, гвардия сержана, анал байыаннай дьайыы бэтэрээнэ Валерий Егорович Максимов II степеннээх “Хорсунун иһин” мэтээлин чугас дьонугар тиксэриэхтэрэ. Салгыы байыаннай дьайыы бэтэрээннэрэ Петр Олесов мастарыскыайыгар сырыттылар. Онно тимир уустара Петр Олесов уонна Иван Петров саха быһаҕын оҥорорго маастар кылаастарын умсугуйан көрдүлэр уонна байыаннай дьайыыга кытта сылдьар биир дойдулаахтарбытыгар анаан алгыстаах быһахтары оҥорон бэлэмнээтилэр. ✍️Мария Аргунова 📸Нарыйа Бочкарева хаартыскалара 📲Мах-каналбытыгар сурут ⬇️https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia