🥊 ЧЕМПИОННЫЫН ЗАРЯДКА УОННА СОМОҔОЛОҺУУ КҮНЭ — 23 мая 2026 г. в 08:57:24.172
🥊 ЧЕМПИОННЫЫН ЗАРЯДКА УОННА СОМОҔОЛОҺУУ КҮНЭ Бүгүн Тааттабыт сиригэр ураты ыалдьыт — Арассыыйа боксера, спорт үтүөлээх маастара Василий Егоров кэлэн дьону-сэргэни кытта көрүстэ. Кини пааркаҕа мустубут ыччаттарга, олохтоохторго анаан «Чемпионныын зарядка» ыытта, дьоҥҥо эрчими уонна кыайыыга дьулууру бэлэхтээтэ. ✊Спортивнай тэрээһини таһынан, Василий Егоров «Мандар Уус» этно-комплекска буолбут иэдээни — Моҕол ураһа умайбытын — истэн, истиҥник ылынна. Ол иһин бүгүн, ыам ыйын 21 күнүгэр, Ытык Күөл саҥа пааркатыгар Моҕол ураһаны чөлүгэр түһэрэргэ анаан үп хомуйар аахсыйаҕа доҕотторун кытта анаан тиийэн кэллэ. 🤝 Аахсыйаҕа чемпионнуун тэҥҥэ «Күн Трейд» хампаанньа генеральнай директора Артур Аржаков уонна «IRON» таҥас брендын салайааччыта Макар Зырянов кыттыстылар. Кинилэр бу уопсай дьыалаҕа бэйэлэрин кылааттарын киллэрэн, Таатта дьонугар-сэргэтигэр өйөбүл буоллулар. 📢 «Норуот күүһэ — көмүөл күүһэ диэн маны эттэхтэрэ. Сомоҕолоһон хайа да ыарахаттары кыайыахпыт! Бииргэ!» — диэн кинилэр санааларын үллэһиннилэр. Барҕа махтал биһигини өйүү кэлбит ыалдьыттарбытыгар! Тааттабыт кэскилэ — сомоҕолоһууга! @taattaadm