Суоттуга бэрт сэргэх, көхтөөх олохтооҕу Эдуард Константинович Николаевы кытта көрсөн эл... — 27 июля 2026 г. в 05:33:30.052
Суоттуга бэрт сэргэх, көхтөөх олохтооҕу Эдуард Константинович Николаевы кытта көрсөн элбэҕи билэн-көрөн араҕыстыбыт. Ол курдук Уус-Алдан Оҕуоруоттааҕын олохтооҕо элбэх сытыы боппуруостары көтөхтө. Спортинструктор быһыытынан нэһилиэк спортсаалатын көрдөрдө, тиийэ сырыттахпытына, кыргыттар кырааска үлэтин ыыта сылдьаллар этэ. Спорт тутуутун нэһилиэк бэйэтэ үбүлээн үлэлэтэ турар: күрэхтэһиилэр ыытыллаллар, олохтоохтор бильярдтыыллар, самозанятай массаж өҥөтүн оҥорор. Эдуард Константинович культура эйгэтигэр быһаччы кыттыгастаах киһи, оҕо эрдэҕиттэн народнай театрга оонньуур. Билигин да араас спектакллары туруоран дэриэбинэ олоҕун сэргэхситэллэр. «Ыччаппыт нэһилиэккэ хааларыгар биллэн туран үлэ миэстэтэ элбиирэ наада курдук. Аны туран баар да буоллаҕына, үчүгэйдик хамнас төлүөхтэрин наада буоллаҕа. Ол курдук ити сүрүн боппуруос», – диэн Уус-Алдан аҕа саастааҕа санаатын үллэстэр. Эдуард Константинович Николаев этэр кыһалҕата-көрүүтэ эдэрдэргэ накаас курдук. Уопуттаах, дьыала туһугар кыһанар киһи этэрэ мээнэҕэ буолбатах. Билигин хайаан да эдэрдэр тыа сиригэр олохсуйа хааларыгар, сир-уот, дьыала тэринэн быр-бааччы олороллоро ирдэнэр. Халыҥ ыал баар буоллаҕына оскуола да, уһуйаан да, атын да социальнай объектар үлэлэрэ тэтимнээхтик барыаҕа. Ол эрээри бюджет эйгэтинэн эрэ хааччахтаммакка, дьон бэйэтэ дьыала тэринэн, үрдүк хамнастаах үлэ миэстэтин оҥороро тоҕоостоох буолла. «Макс-канал»: подписаться 🔵