Интэриэстээх дьарык — 11 августа 2026 г. в 04:08:58.205
Интэриэстээх дьарык IT-идэни баһылыырга дьулуһар Герман Горнайга «БердСмарт» диэн 10-с кылааска тахсыбыт Герман Бережнов өйдөөх ферма арынан үлэлии сылдьарын билистибит. Самозанятай быһыытынан тэриммит. Бэйэтэ Герман төрөппүттэрэ спортсменнар – мас тардыһыыга Евгений Леонидович, булдьанан ытыыга Ангелина Петровна Саха сирин маастардара! Бережновтар уопсайынан тыа хаһаайыстыбаҕа улахан сыстыгаһа суох дьон буолуоҕун, уоллара кыра кылаастан роботехникаҕа интэриэстэммит. Ситиһиилээхтик дьарыктаммыт, программирование туохха эмэ туһалаах буолуохтаах диэн буолбут. Ол түмүгэр өйдөөх тыа хаһаайыстыбата диэн салааҕа Герман болҕомтото хатаммыт. 16 саастаах уол билигин өйдөөх ферматыгар перепелкалары иитэр. Онтуката барыта автоматизацияламмыт: уу кутара, уот умайара, ас биэрэрэ, дьиэ сылытыыта барыта компьютернай программанан салайыллар. Программаланнаҕа дии. Илии үлэтэ биллэ аҕыйаабыт. Ол да буоллар син биир киһитэ суох үлэ барбат. Бережновтар тэлгэһэлэригэр өссө коза, хаас, индюк курдук кыыллар иитиллэллэр. Герман үс сыл кэриҥэ дьарыктанар эбит, билигин Бэрдьигэстээх маҕаһыыннарыгар күн аайы тоҕус хаа перепелка сымыытын атыыга таһаарар. Уопсайа күҥҥэ 180-ча сымыыты дьон былдьаһа-тарыһа ылар эбит: туһата сыттаҕа, дьон ону сыаналыыр, наадыйар буолбут. Бу кыра дьоҕус дьыала сайдарыгар Герман бизнес-олимпиада күрэҕин кыайан 50 тыһ. солк. грант ылбыт. Салҕыы IT-идэни баһылыыр баҕа санаалаах. Мин тус бэйэм маннык курдук өйдөөх ферма Саха сиригэр элбиирэ буоллар диэн санаалаах хааллым. Уонна төрөппүт дьон оҕолорун маннык курдук дьарыктары өйүүллэрэ бэрт! «Макс»-каналга атын историялар 🟢