Арбын олохтооҕугар Светлана Егоровна Ивановаҕа ыалдьыттаатым. Намтан сайылыы сылдьар эд... — 10 августа 2026 г. в 13:07:12.960
Арбын олохтооҕугар Светлана Егоровна Ивановаҕа ыалдьыттаатым. Намтан сайылыы сылдьар эдьийин кытары Зоя Егоровналыын эмиэ кэпсэттибит. Кини чугас күөлтэн соболообуттарын ыраастыы олорор этэ. Тиэргэн толору кыыл-үөл. Үлэһит дьон хамсыыр да харамайы, үүнээйилэри да иитэр-үүннэрэр. Дьиэлээхтэр кус, куурусса, хаас ииттэллэр. Сирдэрэ ууга былдьанан санаалара түһэ сылдьар. Ол да буоллар дьиэ хаһаайына саҥа оттоон эрэр, ходуһаҕа сылдьар этэ. Егоровтар үс ыанар ынах туталлар, онтуларыгар от хайаан да оттуохха наада буоллаҕа. Үлэ таһынан өссө кэтэх хаһаайыстыба тутан олороллоро улахан убаастабыл. Тыа сиригэр бэйэ үүт-эт аһылыктаах бэрт! Сайын ыал дьиэтэ кураанахсыйбат: сиэннэринэн, сиэн племянниктарынан туолар. Егоровтар үс кыргыттардаахтар, бары ыал, үлэһит буолан быр-бааччы олороллор. Мин Светлана Егоровнаҕа бары үчүгэйи баҕаран араҕыстым! Барыта этэҥҥэ буолуоҕа ❤️ «Макс»-каналга суруттар 📲