ИИТИИ БЭЙЭ ЭРЭ ХОЛОБУРУНАН БАРАР — 6 августа 2026 г. в 14:38:50.498
ИИТИИ БЭЙЭ ЭРЭ ХОЛОБУРУНАН БАРАР Нам Көбөкөнүгэр Семен Николаевич уонна Евдокия Семеновна Петровтарга ыалдьыттыы сылдьан балаҕаҥҥа бэрт истиҥ кэпсэтии таҕыста. Эбээлээх-эһээ хос сиэннэнэн дьоллоохтор, кыра киһини сайылатаары кэтэһэ сылдьаллар 🟢 Көбөкөҥҥө ититии толору киирэн турар, үгүс ыал толору хааччылыылаах олорор. Ол да буоллар, Евдокия Семеновна оҕолорбутун хайаан да үлэҕэ сыһыарыахпытын наада диэн бэлиэтиир. «Тириттэххэ-хоруттахха, ыарахаттары аастахха киһи буолаҕын. Билигин кризис бөҕө, айылҕа быһылааннара, балысханнара үгүс. Биһиги сахалар айылҕаҕа чугаспыт. Мин аҕай диэн сырыттахпытына эстэбит. Аныгы кэмҥэ күүскэ материальнайга барыы баар. Ордугун үтүө санааны, быһыыны-майгыны өрө тутан олоруохха. Оҕолору бэйэ холобургунан эрэ иитэҕин. Оҕо барытын көрө сылдьан үөрэнэр», – диэн кэпсиир Евдокия Семеновна. Билигин хайаан да түмсүөхпүтүн наадатын ордук чорботон эттэ. Биһиги система дьонобут, система иһигэр үлэлээн туһаны аҕалар ордук диэн олох муудараһын этэллэр. Өссө төрөөбүт тылбытын, культурабытын норуот быһыытынан илдьэ сылдьарбыт булгуччулаах диэн бэлиэтииллэр. Саастаах дьон сүбэтин өссө да истэ олоруом этэ. Ол курдук, кэм уларыйарынан уларыйан иһиэхтээхпит эбит. Урукку олох хатыламмат. Инникибит өттүгэр туох күүтэрэ биллибэт, ону үлэһит, түмсүүлээх эрэ дьон бэлэмнээх буолуо... #сомоҕоноруот #дьоҥҥокыһамньы #үтүөтүмүктэр «Макс»-канал ✍️