💃Татар Танае мәдәният йортында күңелле һәм файдалы очрашу узды! — 23 июля 2026 г. в 11:30:03.023
💃Татар Танае мәдәният йортында күңелле һәм файдалы очрашу узды! Өлкән буын вәкилләре өчен оештырылган чарада катнашучылар линей биюе белән танышты. Бу бию төрендә кешеләр бер яки берничә рәткә тезелеп, кабатланып торучы гади хәрәкәтләрне бергәләп башкара. Биюләрне өйрәнү дә җиңел, истә калдыруы да авыр түгел, шуңа күрә анда теләгән һәркем катнаша ала. 🎼 Дәртле көйләр, бердәм хәрәкәтләр һәм җылы мохит чараны чын бәйрәмгә әйләндерде. Мондый очрашулар өлкәннәрнең актив тормыш рәвеше алып баруына, аралашуына һәм ял вакытын күңелле үткәрүенә ярдәм итә. – Өлкән буын вәкилләре үзләренең белемнәрен һәм тәҗрибәләрен уртаклаша, бергәләп күңелле вакыт үткәрә. Мондый чаралар аларга яңа көч һәм күтәренке кәеф бүләк итә, – дип хәбәр итә Татар Танае мәдәният йорты мөдире Миләүшә Акмалова.