🍁💛Күгәй авылында Өлкәннәр көненә багышланган «Минем елларым – минем байлыгым!» исемле... — 3 октября 2026 г. в 07:30:14.497
🍁💛Күгәй авылында Өлкәннәр көненә багышланган «Минем елларым – минем байлыгым!» исемле чара узды Бәйрәм авылның өлкән буын вәкилләренә хөрмәт һәм рәхмәт белдерү, аларның күңелләренә җылылык өләшү максатыннан үткәрелде. Авыл җирлеге башлыгы Фәния Хисаметдинова халыкка җылы теләкләр белән мөрәҗәгать итте. Ул барлык олы яшьтәге кешеләрне көзге, чиста һәм якты бәйрәм белән котлады һәм барысына да мәхәббәт һәм кайгыртучанлык, якыннарының һәм туганнарының игътибары, нык сәламәтлек һәм озын гомер теләде. Өлкәннәр алдында мәдәният йортында эшләп килүче иҗат коллективлары чыгыш ясады. Алар татар халык җырларын, заманча композицияләрне башкарды, шигырьләр сөйләде, күңелле биюләр тәкъдим итте. Балалар һәм яшьләр дә өлкәннәрне котлап, үзләренең матур чыгышлары белән бәйрәмгә ямь өстәде. 🪗❤️Бәйрәмдә күңел җылысы һәм шатлык рухы хөкемсөрде. Өлкәннәр истәлекләре белән уртаклаштылар, яшь буынга акыллы киңәшләрен бирделәр. Аларның тормыш тәҗрибәсе, сабырлыгы һәм хезмәт сөючәнлеге яшьләр өчен чын үрнәк булып тора. Бәйрәм кичәсе өстәл артында күмәк чәй эчү белән тәмамланды. Өлкәннәр бергә җыелып, истәлекләр уртаклаштылар, яңа очрашуларга сөенделәр. Мондый чаралар авылдашларны берләштерә, өлкәннәргә карата хөрмәт һәм рәхмәт хисләрен ныгыта. 💛🍂«Минем елларым – минем байлыгым!» бәйрәме өлкән буын вәкилләренең күңелендә якты хатирәләр калдырды. Алар мәдәният йортыннан рухи азык, яшь буынның игътибары һәм мәхәббәтен тоеп таралды.