«ӨКСӨКҮ СИЭННЭРЭ» ХАМСААҺЫН УЛУУСТААҔЫ СЛЕТА — 15 мая 2026 г. в 13:11:16.340
«ӨКСӨКҮ СИЭННЭРЭ» ХАМСААҺЫН УЛУУСТААҔЫ СЛЕТА Ыам ыйын 15 күнүгэр Матвей Николаевич Турнин аатынан Тыараһа орто оскуолатыгар Арассыыйаҕа норуоттар сомоҕолоһууларын сылыгар, Саха Сиригэр культура сылыгар анаммыт бүтүн Арассыыйатааҕы «Оҕо саас сирдьиттэрэ» бырагыраамма чэрчитинэн үлэлиир алын кылаас оҕолорун – «Өксөкү сиэннэрэ» хамсааһын улуустааҕы слета Таатта улууһугар аан маҥнайгытын ытылынна. Тыараһа орто оскуолата 2022 сыллаахтан «Өксөкүлээх үөрэҕэ» бырайыагынан (ааптар Екатерина Петровна Чехордуна, «Өксөкү сиэннэрэ» бырагыраама научнай сүбэһитэ, педагогика билимин хандьыдаата, этнопедагог) үлэлиир оскуола. Алексей Елисеевич Кулаковскай – Өксөкүлээх Өлөксөй 3 сааһыттан 9 сааһыгар диэри Тыараһа нэһилиэгэр эһэлээх эбэтигэр иитиллибит, оҕо сааһа ааспыт сирэ буолар. Онон «Өксөкү сиэннэрэ» слет Тыараһа орто оскуолатыгар ыытыллыбыта олус суолталаах буолла. Слекка Тааттабыт улууһун 9 оскуолатыттан – 10 хамаанда кэлэн 7 трегынан араас сорудахтардаах, интэриэһинэй ис хоһоонноох түһүмэхтэринэн күрэхтэстилэр. Күрэх түмүгэ: • 2-3 миэстэни ыллылар Серафим Романович Кулачиков – Эллэй аатынан Чычымах орто оскуолатын «Крылья России» хамаандата; • 2-3 миэстэни ыллылар Дмитрий Ананьевич Петров аатынан Ытык-Күөл иккис нүөмэрдээх орто оскуолатын «Албан» хамаандата; • 1 миэстэни ыллылар Матвей Николаевич Турнин аатынан Тыараһа орто оскуолатын «Өрүөлчээннэр» хамаандата. Бары кыттыбыт хамаандаларга анал ааттар ананнылар. 1, 2, 3 миэстэни ылбыт хамаандалар улуус чиэһин көмүскүү Илин эҥэрдээҕи «Өксөкү сиэннэрэ» слекка Уус Алдан улууһун Бэйдиҥэ орто оскуолатыгар ыам ыйын 20 күнүгэр барыахтара. Бүгүҥҥү тэрээһин туһунан сиһилии ➡️ https://xn--80aaa3eca.xn--p1ai/%d3%a9ks%d3%a9k%d2%af-siennere-hamsaa%d2%bbyn-uluustaa%d2%95y-sleta/ бу сигэнэн киирэн ааҕыҥ. @taattagazeta @ulusmedia