Экспериментатор ыалга — 3 августа 2026 г. в 13:39:09.426
Экспериментатор ыалга ҮЛЭНИ ӨРӨ ТУППУТ СЭМИЭНЭПТЭР Күөрэлээх биир сис ыалыгар, дьоһун удьуор үлэһит Сэмиэнэптэргэ ыалдьыттаан сөҕөн, махтайан кэллибит. Сайылыкка күргүөмүнэн, оҕолор-сиэннэр буолан кыыл арааһын ииттэллэр 💪 1992 сылтан аҕалара Харитон Харитонович тыа хаһаайыстыбанан дьарыктанан саҕалаабыт. Билигин тоҕус ыанар ынахтарын таһынан икки бараан, куурусса, хаас, фазан, быйылгыттан цесарка ииттэллэр. Былырыыҥҥыттан пасекалаахтар, 10 ыҥырыа уйатыттан 150 киилэ мүөт ылбыттар. Тыа сиригэр боруобалаан көрөллөрө үгүс, бу хорсун санаа мэктиэтэ. Быйыл 25 га сири оттуохтаахтар. Техникалара алдьанан сайылыкка оҥосто сылдьаллар. Ийэлэрэ Хаарбаан Байаана Сантай Кыыһа, сахалыы ааты ылынан, төрүт өйдөбүлү, үтүө үгэһи, өбүгэ дьарыгын ыччат дьонугар иитэр. Дьонугар-сэргэтигэр сахалыы үгэс аһылыгы сиэтээри, доруобай буола улааттыннар диэн үлэ-хамнас бөҕөтө. Горнай улууһун Сэмиэнэптэр саха дьоһун, үлэһит ыала дойдубут, республикабыт тыа сирин сайдыытыгар кырата суох кылааттарын киллэрэллэр, үгүс ыалга үтүө холобурдар 🔥 Василий Егоров «Макска» 🟢