Күндү биир дойдулаахтарым, Сахам сирин олохтоохторо! — 22 мая 2026 г. в 04:26:56.980
Күндү биир дойдулаахтарым, Сахам сирин олохтоохторо! Санныбытыттан өссө биир хаары түһэрэн, күөххэ үктэммиппитинэн, күүтүүлээх Сайылык күнэ үүммүтүнэн итиитик-истиҥник ис сүрэхпиттэн эҕэрдэлиибин! 2019 сыллаахха ыам ыйын 22 күнүгэр Ил Дархаммыт Айсен Сергеевич Николаев уурааҕа тахсыаҕыттан Күн Өркөн кыһатыгар Сайылык күнүн билиэтиир буолбуппут. Күөх сайыны көрсүү сиэрэ-туома номнуо үтүө үгэскэ кубулуйда. Быйыл эмиэ үгэс курдук, эбэбит халыҥ мууһуттан босхолонон, Сахабыт сиригэр сайын кэлбитин көрсө сайылык күнүн бэлиэтээтибит. Тэрээһиҥҥэ «Биир Ньыгыл Арассыыйа» баартыйа регионнааҕы салаатын исполкомун бэрэссэдээтэлэ Надежда Геннадьевна Селютина уонна Ю.Е. Платонов аатынан Эстрада судаарыстыбаннай тыйаатырын дириэктэрэ Татьяна Николаевна Чаранская ыалдьыттаатылар, самаан сайын кэлбитинэн устудьуоннары уонна үлэһиттэри эҕэрдэлээтилэр. Көй салгыннаах, чаҕылхай күннэрдээх самаан сайыммыт үүммүтүнэн өссө төгүл эҕэрдэ буолуохтун! Үүммүт сайын үүнүүлээх, дэлэй быйаҥнаах, өҥ-быйаҥ буолуохтуҥ! КҮН ӨРКӨН-ӨРӨ КҮҮР СЫРДЫККА, КЭРЭҔЭ-ҮТҮӨҔЭ!