Татарстанның халык шагыйре, Тукай премиясе лауреаты Мөдәррис ӘГЪЛӘМОВның тууына бүген 8...
Татарстанның халык шагыйре, Тукай премиясе лауреаты Мөдәррис ӘГЪЛӘМОВның тууына бүген 80 ел. Аның турында йөремсәк мәзәкләр, кызыклы фактлар шагыйрьнең зур шәхес булуын сөйли. Игътибарыгызга Мөдәррис Әгъләмов турында кайбер кызыклы фактлар тәкъдим итәбез👇🏼👇🏼👇🏼 1. Бала вакытында ук әти-әнисе вафат булып, апасы Рәсимә тәрбиясендә кала. 2. Казан дәүләт университетында ике курс укыгач китә, Тукай районы Гәрдәле мәктәбендә тарих укыта, Чаллы халык театрында режиссер ярдәмчесе булып эшли. 3. Түбән Биш урта мәктәбендә укыганда ук шигырьләре матбугатта басыла. Мәктәпне тәмамлап Казанга, «Ялкын» редакциясенә килгәч, журналда чыккан поэмасы өчен аңа гонорар бирәләр. Мөдәрриснең беренче хезмәт хакы була ул. 4. Дусты - шагыйрь Зөлфәт аны «Нәни гигант» дип йөрткән. 5. Заманында яшь шагыйрьләр Ркаил Зәйдулла, Ләис Зөлкарнәй, Газинур Морат, Ләбиб Лерон өчен ул остаз булып китә. Аны яратып «Әкә» дип йөртәләр.