ҺАРЫМҺАҠ ҺЫУЫ
ҺАРЫМҺАҠ ҺЫУЫ Һарымһаҡ составында кеше организмы өсөн утыҙ өс төрлө файҙалы көкөрт берләшмәләре бар. Улар бауырҙа эшкәртелеп, организмда бик тиҙ үҙләштерелә һәм файҙаһы ла ҡыҫҡа ваҡытлы була. Эффектлы дауаланыу маҡсатында һарымһаҡты көн дә ҡулланырға тәҡдим ителә. Тик иртән бер генә тырнаҡ һарымһаҡ ашаһаң да, көнө буйына ауыҙҙан насар еҫ киләсәк. Шунлыҡтан иң ҡулайлыһы – һарымһаҡ төнәтмәһе. Көнөнә бер стакан төнәтмә һиҙелерлек файҙа бирәсәк. Кистән химикаттарһыҙ үҫеп, өлгөрөп етешкән һарымһаҡтың ике-өс тырнаҡсаһын ваҡ ҡына итеп турайбыҙ, бер стакан йылы һыуға һалып ҡуябыҙ. Иртән ас ҡарынға төнәтмәне эсәбеҙ. Әгәр аш һеңдереү юлдарында проблемалар, нидәйҙер сир булһа, ашағандан һуң эсергә кәрәк. Һарымһаҡ һыуы ҡанды шыйыҡлата, шуға ла уны башҡа препараттар менән бер үк ваҡытта ҡулланырға тәҡдим ителмәй. Тромбҡа ҡаршы көслө тәбиғи сара. Ҡан тамырҙарының тарайы-уына сәбәбсе булған тромбоксан молекулаларының эшмәкәрлеген, тромбоцит-тарҙың ойошоуын тотҡар-лай. Организмда булған тромбтарҙы ла иретә. Ҡыҫылған ҡан тамырҙарын киңәйтә, гипертонияны дауалай. Даими ҡулланғанда, һарымһаҡ һыуы ашҡа-ҙанда сей яра (язва) тыуҙырыусы Хеликобактер Пилори бактерияһына ҡаршы тора ала. Булған язваны ла уңалта. Бөгөн һарымһаҡтың үпкә, йыуан эсәк, хатта мейе яман шештәрен иҫкәртеүҙә файҙаһы, деменция, Альцгеймер кеүек осраҡтарҙы профилактикалау сараһы икәне иҫбатланған. Гөлзәминә Кәримова.